وزبەكستان توتەنشە جاعدايلار ءمينيسترىنىڭ ورىنباسارى ازيزبەك لاتيفجونوۆ باستاعان جەدەل توپ كولوننامەن جولعا شىقتى. ولار جامبىل وبلىسى جۋالى اۋدانىنان 8 جەدەل مەديتسينالىق جاردەم كولىگى جانە 1 «ۆانحولل» ماركالى جولاۋشىلار اۆتوبۋسىمەن اتتاندى, دەپ حابارلايدى Egemen.kz قر تجم ءباسپاسوز قىزمەتىنە سىلتەمە جاساپ.
مينيسترلىكتىڭ حابارلاۋىنشا, اۆتوكولىكتەردە زارداپ شەككەن 13, ۋاقىتشا ورنالاستىرۋ پۋنكتىندەگى 7 ادام مەن 2 قازا تاپقان ادامنىڭ دەنەسى بار.
وزبەكستان تجم ورىنباسارى جامبىل وبلىسىنداعى ارىپتەستەرىنە جانە ءوز وتانداستارىن قۇتقارۋعا جۇمىلدىرىلعان بارلىق قىزمەتكەرلەرگە العىسىن ءبىلدىردى.
14 مامىر ساعات 7:15-تە كولوننا قازاقستان رەسپۋبليكاسىنىڭ شەكاراسىنان ءوتتى. 1980 جانە 1965 جىلدارى تۋعان وزبەكستاننىڭ ەكى ازاماتى جۋالى اۋدانى اۋرۋحاناسىنىڭ جانساقتاۋ بولىمىندە جاتىر.
ەستەرىڭىزگە سالايىق, 12 مامىر كۇنى ساعات 15:46-دا جامبىل وبلىسىنىڭ جۋالى اۋدانىندا «الماتى-تاشكەنت» اۆتوجولىنىڭ 571 شاقىرىمىندا جول-كولىك وقيعاسى بولعان ەدى.