داريانىڭ ەكى بەتىندەگى ەلدى مەكەندەردى جالعايتىن قالقىما كوپىرلەر بار. قىس مەزگىلىندە بۇدان كەلەر قاۋىپ جوق. ال كوكتەم شىعا, داريانىڭ ارناسى تولعان كەزدە قالقىما كوپىر ارقىلى ءوتۋ قيىنداي تۇسەدى. سوندىقتان سىردارياداعى ءنوپىر سۋ ازايعانشا مۇنداي وتكەلدەردەن كولىكتەردىڭ ءوتۋى سيرەيدى. بيىلعى تاسقىن كەزەڭى قىزىلوردادا ىڭ-شىڭسىز ءوتتى. بۇگىندە وزەننىڭ قوس قاپتالىن بايلانىستىرىپ تۇرعان قالقىما كوپىرلەر دە قالىپتى جۇمىس ىستەپ تۇرعان. دەگەنمەن, شيەلى اۋدانىنىڭ قارعالى ەلدى مەكەنىنىڭ تۇسىندا وقىس وقيعا ورىن الدى.
بۇرناعى كۇنى ءتۇس الەتىندە «كازستەپسترويمونتاج» سەرىكتەستىگىنە قاراستى «Howo» جۇك كولىگى قالقىما كوپىرگە كەلەدى. كوپىردەن وتە بەرگەندە حايداربەك سايتوۆ تىزگىندەپ وتىرعان جۇك كولىگى كوپىرمەن قوسا سۋعا باتىپ كەتەدى. قۋانىشتىسى, وقيعا كەزىندە زارداپ شەككەن نەمەسە قايتىس بولعان ەشكىم جوق.
وقيعا بولعان جەرگە شيەلى اۋداندىق توتەنشە جاعدايلار ءبولىمىنىڭ جەدەل توبى جەتكەن. سونداي-اق, اۋداندىق ىشكى ىستەر ءبولىمىنىڭ قىزمەتكەرلەرى دە سول ارادان تابىلعان. وسىلايشا, 2 تەحنيكا مەن 6 ادام جۇمىلدىرىلىپ, قۇتقارۋ جۇمىستارىن جۇرگىزگەن.
ەرجان بايتىلەس,
«ەگەمەن قازاقستان».
قىزىلوردا وبلىسى.