اندرەي گولۋبەۆ ريم ءتۋرنيرىنىڭ شيرەك فينالىنا شىقتى

قازاقستاندىق تەننيسشى ارگەنتينالىق ماكسيمو گونسالەسپەن بىرگە ەكىنشى اينالىمدا اۋستراليالىقتار مەتتيۋ ەبدەن – ماكس پەرسەلمەن كۇش سىناستى.

اۋستراليالىق جۇپ العاشقى اينالىمدا گرۋزيالىق نيكولوز باسيلاشۆيلي – تاعى ءبىر قازاقستاندىق الەكساندر بۋبليكتى 6:4, 6:1 ەسەبىمەن جولدان تايدىرعان بولاتىن.

بۇل جولى ءبىرىنشى پارتيادا قازاقستاندىق-ارگەنتينالىق جۇپ 6:3 ەسەبىمەن باسىم ءتۇستى. ولار ەكىنشى سەتتە دە سول قارقىنىنىن جاڭىلعان جوق – 6:4.

ءبىر ساعات 20 مينۋتقا سوزىلعان ماتچ بارىسىندا ا.گولۋبەۆ پەن م.گونسالەس 1 ەيسپەن بىرگە 4 برەيك-پوينتتىڭ تەڭ جارتىسىن پايدالاندى.

ا.گولۋبەۆ پەن م.گونسالەس ريم جارىسىنىڭ جارتىلاي فينالىنا شىعۋ ءۇشىن ۋرۋگۆايلىق اريەل بەحار – ەكۆادورلىق گونسالو ەسكوبارمەن تالاسادى.