بۇل تۋرالى ءماجىلىس دەپۋتاتتارىنىڭ ساۋالىنا قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ جاۋابىندا ايتىلعان, دەپ حابارلايدى Egemen.kz.
«ىشكى ىستەر مينيسترلىگىمەن بىرلەسكەن پيلوتتىق جوبا اياسىندا جۇرگىزۋشى كۋالىكتەرىن بەرۋ قىزمەتىن كورسەتۋ كەزىندە سايكەستەندىرۋدىڭ ەرەكشە ادىستەرىن جانە تەستىلەۋدىڭ جاڭا جۇيەسىن پايدالانۋ بويىنشا جۇمىس جالعاسۋدا. سايكەستەندىرۋ تەستىلەۋدىڭ باسىندا دا, كەزەڭ-كەزەڭىمەن دە جۇزەگە اسىرىلادى. جالعان تۇلعالاردىڭ قاتىسۋ مۇمكىندىگى الىنىپ تاستالادى. جاڭا جۇيەدە تەوريالىق جانە پراكتيكالىق ەمتيحانداردى قابىلداۋ ۇدەرىستەرىنە جۇرگىزىلگەن تالداۋ قورىتىندىلارى بويىنشا تىكەلەي تەوريالىق ەمتيحان تاپسىرۋ ساتىندە ەمتيحان سىنىبىندا كومپيۋتەرگە قاشىقتان قوسىلۋ بولىگىنىڭ وسال تۇستارى جوق. تەوريالىق ەمتيحاننىڭ تەرىس ناتيجەسىن كەيىننەن وڭ ناتيجەمەن اۋىستىرۋ مۇمكىندىگىنە دە جول بەرىلمەيدى», دەلىنگەن مينيستر جاۋابىندا.
باعدات ءمۋسينىڭ ايتۋىنشا, تەستىلەۋ ۋدەرىسى تولىعىمەن «جۇقا» كليەنتكە اۋىستىرىلدى. ونىڭ ارتىقشىلىعى ونىمدىلىكتى ارتتىرۋ, سونداي-اق اقپاراتتىق قاۋىپسىزدىك دەڭگەيىن كوتەرۋ بولىپ سانالادى.
«بۇگىنگى كۇنى تەستىلەۋ جۇيەسىنە زاڭسىز ارالاسۋ بولىگىندەگى كەمشىلىكتەر الىنىپ تاستالدى. سونىمەن قاتار جەلىلىك ينفراقۇرىلىم ناقتى ۋاقىت رەجيمىندە باقىلاۋ ءۇشىن وقيعالار مەن قاۋىپسىزدىك اقپاراتىن جيناۋ جانە تالداۋ جۇيەسىمەن (SIEM جۇيەسى) بىرىكتىرىلگەن. جوعارىدا اتالعان جاڭا تەستىلەۋ جۇيەسىنىڭ ارقاسىندا, الدىڭعى جىلدارمەن سالىستىرعان كەزدە قازىرگى تاڭدا ەمتيحاندى تاپسىرۋ ەداۋىر جوعارى ساپادا وتەتىندىگىن, ۇمىتكەرلەردىڭ باسىم بولىگى قاجەتتى ناتيجە جيناي الماۋ سالدارىنان قايتا ەمتيحان تاپسىرىپ جاتقانىن, سونىڭ سالدارىنان جۇرگىزۋشى كۇالىگىن الۋ بويىنشا جۇگىنىپ جاتقان ۇمىتكەرلەردىڭ سانى ارتىپ وتىرعانىن ايتىپ ءوتۋ قاجەت», دەدى ول.