مەملەكەت باسشىسى جاڭا قازاقستان مەن ەكىنشى رەسپۋبليكا يدەياسىن تاباندى تۇردە ىلگەرىلەتۋدە.
جاڭا قازاقستان قۇرۋدىڭ ەڭ قۋاتتى قۇرالى الداعى كونستيتۋتسيالىق رەفورما بولادى. ونى جۇزەگە اسىرۋ ءۇشىن جالپىۇلتتىق قولداۋ قاجەت.
پرەزيدەنت كونستيتۋتسياعا تۇزەتۋ ەنگىزۋدى 5 ماۋسىمدا وتەتىن رەسپۋبليكالىق رەفەرەندۋمعا شىعارۋ جونىندە ماڭىزدى شەشىم قابىلدادى.
قازاقستان حالىق پارتياسى الداعى رەفەرەندۋمدى جانە كونستيتۋتسياعا ەنگىزىلەتىن بارلىق تۇزەتۋلەردى تولىق قولدايدى!
بارلىق جاريالانعان باستامالار مەن ساياسي جاڭعىرۋدىڭ اسپەكتىلەرى پارتيامىزدىڭ يدەولوگياسى جانە باعدارلاماسىمەن ۇندەس.
كونستيتۋتسيادا حالىقتىڭ جەر مەن تابيعي رەسۋرستاردىڭ يەسى ەكەنى تۋرالى نورمانىڭ بەكىتىلۋى ەڭ ماڭىزدى تۇزەتۋ بولدى. بۇل باستامانى قازاقستان حالىق پارتياسى كوتەردى.
تۇتاس ساياسي جۇيەگە كەشەندى ترانسفورماتسيا جۇرگىزىلەدى. ءبىز سۋپەرپرەزيدەنتتىك باسقارۋ فورماسىنان كۇشتى پارلامەنتى بار پرەزيدەنتتىك رەسپۋبليكاعا كوشەمىز. وسى ارقىلى بيلىكتىڭ اتقارۋشى, زاڭ شىعارۋشى جانە سوت تارماعى جۇيەسىنىڭ ناقتى تەتىگى جاسالادى.
دەپۋتاتتاردىڭ 30%-ى ءبىر مانداتتى وكرۋگتەردە, قالعاندارى پارتيالىق ءتىزىم بويىنشا سايلاناتىن ماجوريتارلىق-پروپورتسيونالدىق جۇيە ساياسي جاڭعىرتۋدىڭ وزەگىنە اينالادى.
پرەزيدەنتتىڭ تەڭ دارەجەلى مارتەبەسى بارلىق ساياسي پارتيالاردان تىس بەكىتىلەدى. بۇل – پارتيالىق الاڭدا ناقتى ساياسي باسەكەلەستىك تۋعىزادى.
بارلىق ازاماتتاردى ەلىمىزدىڭ بولاشاعى ءۇشىن جالپىحالىقتىق داۋىس بەرۋگە بەلسەندى قاتىسۋعا شاقىرامىز!
قاڭتارداعى قايعىلى وقيعالاردان كەيىن كونستيتۋتسياعا ەنگىزىلەتىن تۇزەتۋلەرگە جالپىحالىقتىق داۋىس بەرۋ جاڭا قازاقستان, ادىلەتتى قازاقستان قۇرۋ جولىندا ءبىزدىڭ بىرلىگىمىز بەن تۇتاستىعىمىزدى كورسەتەدى!