پاۆلودار وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, 5 مامىر كۇنى شامامەن ساعات 16.40-تا استانا كوشەسى, 52 مەكەنجايى بويىنشا ورنالاسقان عيماراتتا جشس-نىڭ بىرىندە 22 جاستاعى كونديتسيونەر ورناتۋشىسى جۇمىس بارىسىندا تەرەزەدەن قۇلاپ كەتكەن, دەپ حابارلايدى Egemen.kz رavlodarnews.kz سايتىنا سىلتەمە جاساپ.
«جۇمىس بارىسىندا تەرەزەدەن قۇلاعان ەر ادام دەنە جاراقاتىمەن اۋرۋحاناعا جاتقىزىلدى», دەلىنگەن حابارلامادا.
وبلىستىق دەنساۋلىق ساقتاۋ باسقارماسىنىڭ مالىمەتىنشە, 1999 جىلى تۋعان ازامات جەدەل جاردەممەن اقسۋ ورتالىق اۋرۋحاناسىنا جەتكىزىلگەن.
«باسسۇيەك-مي جاراقاتىنىڭ جابىق جاراقاتى, ميدىڭ شايقالۋى انىقتالدى, ماڭداي ايماعى مەن مۇرنى, وڭ قولى سىدىرىلعان. وڭ جاقتا 1,11,12-قابىرعاسىنىڭ جابىق سىنۋى, وكپە جاراقاتى, ەكى جاقتى جامباس سۇيەكتەرىنىڭ سىنۋى, ءىشتىڭ وتكىر جاراقاتى جانە باسقا دا بىرنەشە جاراقات تىركەلگەن. سونداي-اق ءبىرىنشى دارەجەلى تراۆماتيكالىق شوك العان», دەپ جازىلعان حابارلامادا.
جاعدايىنىڭ اۋىرلىعىنا بايلانىستى انەستەزيولوگيا, رەانيماتسيا جانە قارقىندى تەراپيا بولىمىنە جاتقىزىلعان.