مەملەكەتتىك كىرىستەر كوميتەتى باس پروكۋراتۋرا جانىنداعى ۆەدومستۆوارالىق توپتىڭ قۇرامىمەن سىرتقى ەكونوميكالىق قىزمەتكە قاتىسۋشىلاردىڭ, سونداي-اق قىتاي حالىق رەسپۋبليكاسىمەن شەكارالاس وتكىزۋ پۋنكتتەرىنىڭ قىزمەتىنە بىرلەسكەن تەكسەرۋ جۇرگىزدى, دەپ حابارلايدى Egemen.kz.
ۆەدومستۆونىڭ مالىمەتىنشە, شارا بارىسىندا 9 ۋاكىلەتتى ەكونوميكالىق وپەراتور مەن 1 فيليالى كوشپەلى كەدەندىك تەكسەرۋلەردى اياقتادى, قوسىمشا ەسەپتەۋ سوماسى 107 ملرد تەڭگەنى قۇرادى. سونداي-اق 58 ملرد تەڭگەگە سالىق تولەۋدەن جالتارۋ دەرەكتەرى انىقتالدى.
ء«ۇش جىل ىشىندەگى بۇزۋشىلىقتاردىڭ جالپى سوماسى - 165 ملرد تەڭگە. بۇدان باسقا, 398 ملرد تەڭگەگە جالعان ەلەكتروندىق شوت-فاكتۋرالاردى جازىپ بەرۋ بەلگىلەرى بار. الدىن الا شىعىن سوماسى – 128 ملرد تەڭگە. ماتەريالدار قىلمىستىق ءىس قوزعاۋ ماسەلەسىن قاراۋ ءۇشىن قۇقىق قورعاۋ ورگاندارىنا بەرىلدى. سونىمەن قاتار 151 يمپورتتاۋشىنىڭ جالعان ەلەكتروندىق شوت-فاكتۋرالار جازىپ بەرۋ بەلگىلەرى بويىنشا ماتەريالدارى قارجى مونيتورينگى اگەنتتىگىنە جىبەرىلدى», دەلىنگەن كوميتەت حابارلاماسىندا.
بۇل بۇزۋشىلىقتار مەملەكەتتىك كىرىستەر كوميتەتىنىڭ اقپاراتتىق جۇيەلەرىنىڭ ارقاسىندا انىقتالعان, ولاردىڭ بازاسىندا تاۋارلاردى يمپورتتان بولشەك ساۋداداعى ەكسپورتقا دەيىن قاداعالاۋ جۇيەسى جۇمىس ىستەيدى. بۇگىندە كەدەندىك دەكلاراتسيالاردىڭ 100%-ى ەلەكتروندى تۇردە بەرىلەدى, سىرتقى ەكونوميكالىق قىزمەتكە قاتىسۋشىلار كەيىننەن اكىمشىلەندىرۋ كەزىندە پايدالانىلاتىن مالىمەتتەردى دەربەس مالىمدەيدى.