«بانك تسەنتركرەديت» اق-سى قازاقستانداعى الفا-بانكتى ساتىپ الۋ جۇمىستارىنىڭ اياقتالعانىن مالىمدەدى. ونىڭ اتاۋى وزگەرەدى, دەپ حابارلايدى Egemen.kz.
ءتارتىپ بويىنشا بانكتىڭ اتاۋى وزگەرگەننەن كەيىن ونى رەسمي تۇردە تىركەۋ كەرەك.
«قايتا تىركەۋ راسىمدەرىنەن كەيىن بانك جاڭا برەندپەن ECO BANK بولىپ جۇمىس ىستەيدى. تولىق اتاۋى - «ECO BANK» ەنشىلەس بانكى» اق-سى», دەلىنگەن رەسمي مالىمدەمەدە.
بانكتىڭ بۇرىنعى قىزمەتتەرى وزگەرمەيدى. ال ونى SDN تىزىمىنەن شىعارعاننان كەيىن كليەنتتەرگە بانك قىزمەتتەرىنىڭ تولىق كەشەنى قولجەتىمدى بولادى.
«بانك تسەنتركرەديت» اق باسقارما توراعاسى عالىم قۇسايىنوۆتىڭ ايتۋىنشا, قازاقستاندا سانكتسياعا تۇسكەن بانكتى ساتىپ الۋ شاراسى العاش رەت اتقارىلدى.
وسى جۇمىس بارىنشا قىسقا ۋاقىتتىڭ ىشىندە جاسالدى.
ايتا كەتەيىك, «بانك تسەنتركرەديت» اق-سى 1988 جىلى قۇرىلعان. قازىرگى كەزدە رەسپۋبليكا بويىنشا بانكتىڭ 130-دان استام بولىمشەسى بار.