قازاقستاندا اگروبانك قۇرۋ ماقساتقا ساي كەلمەيدى. بۇل تۋرالى سەنات دەپۋتاتتارىنىڭ ساۋالىنا پرەمەر-مينيستر ءاليحان سمايىلوۆتىڭ جاۋابىندا ايتىلعان, دەپ حابارلايدى Egemen.kz.
پرەمەر-مينيستر مامانداندىرىلعان بانكتەر ءوزىنىڭ فۋنكتسيونالى بويىنشا كوپتەگەن بانك وپەراتسيالارىنىڭ بارلىعىن ورىنداماي, ەكونوميكا سالالارىنا (اياسىنا) قىزمەت كورسەتۋدە ءوز قىزمەتىن شەكتەيتىندىگىن العا تارتادى.
«بۇدان باسقا, بانكتىڭ تار ماماندانۋى تاۋەكەلدەردىڭ جوعارى شوعىرلانۋىن (تاۋەكەلدەر ءارتاراپتانبايدى) بولجايدى. ال سالىمشىلار قارجىلىق قىزمەتتەردىڭ تولىق سپەكترىن الۋعا بولاتىن امبەباپ بانكتەرمەن جۇمىس ىستەۋدى قالايدى. ياعني مامانداندىرىلعان مەملەكەتتىك كووپەراتيۆتىك بانك حالىقتىڭ دەپوزيتتەرىن تارتۋ قيىندىعىنا تاپ بولادى. ناتيجەسىندە تابىسى تومەن جانە جوعارى ارتاراپتاندىرىلماعان تاۋەكەلدەرمەن بىرگە مامانداندىرىلعان مەملەكەتتىك كووپەراتيۆتىك بانكتىڭ قارجىلىق جاي-كۇيىنىڭ تۇراقتىلىعىن قامتاماسىز ەتۋ ءۇشىن بيۋدجەت قاراجاتىن ودان ءارى سالۋدى تالاپ ەتەدى. جوعارىدا باياندالعاننىڭ نەگىزىندە اگروبانك قۇرۋ ماقساتقا ساي ەمەس دەپ ەسەپتەيمىز», دەدى ءاليحان سمايىلوۆ.