نۇر-سۇلتان قالاسىنىڭ سىعاناق كوشەسىندە ورنالاسقان تۇرعىن ءۇيدىڭ التىنشى قاباتىنداعى پاتەردىڭ تەرەزەسىنە اۆتوكراننىڭ ىلگەگى قۇلدى. زارداپ شەككەندەر جوق, دەپ حابارلايدى Egemen.kz.
الەۋمەتتىك جەلىدە تاراعان ۆيدەوداعى وقيعانىڭ شىنىمەن ەلوردادا بولعانىن قالالىق توتەنشە جاعدايلار دەپارتامەنتىنىڭ ءباسپاسوز قىزمەتى راستادى.
«28 ءساۋىر كۇنى ساعات 14.26-دا نۇر-سۇلتان قالاسى توتەنشە جاعدايلار دەپارتامەنتىنىڭ جەدەل-قۇتقارۋ جاساعىنىڭ بولىمشەلەرى 4 ادام, ءبىر تەحنيكادان جاساقتالعان قۇراممەن سىعاناق كوشەسى 2ا مەكەنجايىنا شىقتى.
وقيعا ورنىنا جەتكەن بويدا 6-قاباتتاعى پاتەردىڭ تەرەزەسىنە اۆتوكراننىڭ ىلگەگى قۇلاعانى بەلگىلى بولدى. اتالعان ورىنعا ونەركاسىپ قاۋىپسىزدىگى كوميتەتىنىڭ نۇر-سۇلتان قالاسى بويىنشا دەپارتامەنتىنىڭ ماماندارى جىبەرىلدى. زارداپ شەككەندەر جوق.
تولىق اقپارات لاۋ ءۇشىن ونەركاسىپ قاۋىپسىزدىگى كوميتەتىنىڭ نۇر-سۇلتان قالاسى بويىنشا دەپارتامەنتىنە حابارلاسۋ كەرەك», دەپ جازىلعان مالىمەتتە.