بيزنەسكە اقىلى اۆتوتۇراق تا كەدەرگى

نۇر-سۇلتان قالاسى كاسىپكەرلەر پالاتاسىنىڭ الاڭىندا وتكەن وتىرىس­تا بيزنەستى دامىتۋعا كەدەرگى بولىپ وتىرعان بىرقاتار ما­سەلەلەر تالقىلاندى. سو­نىڭ ءبىرى رەتىندە ورتا جانە شاعىن كاسىپ يەلەرى اقىلى اۆتوتۇراقتار جايىن كوتەر­دى. «بۇرىن ەلوردادا اقىلى اۆتوتۇراق كوپ ەمەس ەدى. ال قازىر ونىڭ سانى 24-تەن 536-عا دەيىن ءوستى. وسىلايشا, قازىر باس قالادا بارلىعى 10 مىڭعا جۋىق تۇراق ورنى بار. ولاردىڭ قاتارىنا جول بويىندا تۇرعان تۇراقتار عانا ەمەس, عيمارات يەلەرى جالعا العان اۆتوتۇراقتار دا كىرەدى. قالالىق اكىمدىك ونى جەكەمەنشىككە ساتىپ الۋ­عا مۇمكىندىك بەرمەي وتىر, ويتكەنى اۆتوتۇراق ورنالاسقان جەراستى جولدارىندا ءارتۇر­لى ينجەنەرلىك جەلىلەر وتە­دى. ەندى وسى تۇراقتار تۇگەل پۋلعا الىندى, دەمەك, اقى­لى بولدى. وسى ماسەلەنى شەشۋگە قاتىستى «اتامەكەن» ۇلتتىق كاسىپكەرلەر پالاتاسىنا ۇسىنىس-پىكىرىمىزدى جول­دادىق», دەيدى جيىندا ءسوز سويلەگەن قازاقستاننىڭ باس­قارۋشى جانە سەرۆيستىك كومپانيالار قاۋىمداستىعىنىڭ توراعاسى قايرات كوكەنوۆ.

كاسىپكەر «سانكت-پەتەربۋرگ» بيزنەس-ورتالى­عىن مىسالعا كەلتىردى. عيما­رات­تىڭ اينالاسى تۇگەل جالعا بەرىلگەن. الايدا جالعا بەرۋ مەرزىمى اياقتالعاننان كەيىن اكىمدىك ونى ۇزارتۋدان باس تارتقان, سەبەبى قازىردەن باسقارۋعا بەرىلىپ قويعان. «بىزگە بەلگىلى بولعانداي, ال­داعى ۋاقىتتا اكىمدىك بۇل جەردى نۇر-سۇلتان قالا­سىنىڭ كولىك جانە جول-كولىك ينفراقۇرىلىمىن دامى­تۋ باسقارماسىنا, ياعني ءوز باسقارماسىنا, ال ول ءمجا-ءنىڭ باسقارۋىنا بەردى. وسى­لايشا, نۇر-سۇلتان نا­رىعىندا مونوپوليست قۇ­رى­لۋدا, ولار جول بويىن­دا­عى يەسىز تۇراقتاردى عانا ەمەس, عيماراتتار مەن قۇرى­لىس­تاردىڭ جانىنداعى بار­لىق تۇراق ورنىن باسقارۋعا الماق», دەيدى ق.كوكەنوۆ.

كاسىپكەرلەر جۇرتشىلىق كىرىپ-شىعاتىن عيماراتتىڭ توڭىرەگى ءبارى اقىلى بولسا, بۇل كليەنتتەردىڭ كەلۋىن ازايتاتىنىن جەتكىزدى. ال كليەنتتەر قىزىعۋشىلىق تانىتپاعاننان كەيىن بيزنەس تە دۇرىس جۇرمەيدى دەگەن ءسوز. سوندىقتان بيزنەس وكىلدەرى بۇل جايتتى ەگ­جەي-تەگجەيلى زەردەلەپ, كاسىپ­كەرلىككە قولبايلاۋ بولىپ وتىرعان ماسەلە رەتىندە رەس­پۋب­ليكالىق كەدەرگىلەر كارتاسىنا ەنگىزۋدى ۇسىندى.