26 ساۋىردەن باستاپ جەڭىس داڭعىلىنان پوتانين كوشەسىنە دەيىنگى ۋچاسكەدە اۆتوكولىك قۇرالدارىنا ارنالعان قوزعالىس ءىشىنارا جابىلادى, دەپ حابارلايدى Egemen.kz.
نۇر-سۇلتان قالاسىنىڭ كولىك جانە جول-كولىك ينفراقۇرىلىمىن دامىتۋ باسقارماسى پوتانين داڭعىلىنداعى جول توسەمىن ورتاشا جوندەۋ جۇمىستارى باستالاتىنىن حابارلادى.
وسىعان بايلانىستى, وسى جىلدىڭ 26-30 ءساۋىرى ارالىعىندا جەڭىس داڭعىلىنان پوتانين كوشەسىنە (بۇرىنعى التىنسارين كوشەسى) دەيىنگى ۋچاسكەدە اۆتوكولىك قۇرالدارى ءۇشىن قوزعالىس ءىشىنارا جابىلادى.
قالا جولدارىندا كەپتەلىس تۋدىرماۋ ءۇشىن ەلوردا تۇرعىندارى مەن قوناقتارى ءوز قوزعالىس باعىتتارىن الدىن الا جوسپارلاۋى قاجەت.
«كەلتىرىلگەن قولايسىزدىقتار ءۇشىن كەشىرىم سۇرايمىز جانە جوندەۋ جۇمىستارىن جۇرگىزۋگە تۇسىنىستىكپەن قاراۋدى سۇرايمىز», دەدى ۆەدومستۆوداعىلار.