اقمولا وبلىسىندا ءبىر كۇن بۇرىن كوللەدج جاتاقحاناسىنان بەلگىسىز جاققا كەتىپ قالعان 17 جاستاعى ستۋدەنت امان تابىلدى, دەپ حابارلايدى Egemen.kz.
«جەدەل-ىزدەستىرۋ شاراسى بارىسىندا ءساۋىردىڭ 25-دە جوعالعان ۆيتالي سادۆاكاسوۆ ستەپنوگور قالاسىنان تابىلدى. بوزبالانىڭ سوزىنشە, ول تۋعان قالاسىنا جولاي كەزدەسكەن كولىكپەن جەتكەن. ونىڭ ستەپنوگور قالاسىنداعى شاعىناۋداندا جۇرگەنىن كورگەن ادامدار پوليتسياعا حابارلاپ ايتتى», دەدى اقمولا وبلىستىق پوليتسيا دەپارتامەنتىنىڭ ءباسپاسوز قىزمەتىنەن.
ايتا كەتسەك, جوعالعان ءجاسوسپىرىمدى ىزدەۋگە كوكشەتاۋ قالالىق پوليتسيا باسقارماسى جانە كراسنويار ۋچاسكەلىك پوليتسيا بەكەتىنىڭ جەكە قۇرامى, ەرىكتىلەر جۇمىلدىرىلدى.