«قازاقستاننىڭ دامۋ بانكى» اق 2021 جىلعى شوعىرلاندىرىلعان قارجىلىق ەسەبىن جاريالادى, دەپ حابارلايدى Egemen.kz.
قۇجاتقا سايكەس, بانكتىڭ جالپى جيىنتىق تابىسى ءبىر جىل ىشىندە 17%-عا, ال اكتيۆتەر كولەمى 21%-عا ءوستى.
«2021 جىلى قازاقستاننىڭ دامۋ بانكىنىڭ بارلىق نەگىزگى قارجىلىق كورسەتكىشتەرى وسۋ سەرپىنىن جالعاستىردى. پايدانىڭ ۇلعايۋى بانكتىڭ تازا پايىزدىق كىرىسىنىڭ وسۋىمەن, سونداي-اق كليەنتتەرگە بەرىلگەن قارىزداردى تولىق جانە ىشىنارا مەرزىمىنەن بۇرىن وتەۋدەن تۇسكەن جوسپاردان تىس كىرىستەر ۇلەسىنە بايلانىستى», دەپ اتاپ ءوتتى قدب باسقارما توراعاسىنىڭ قارجىلىق باسقارۋ ماسەلەلەرى جونىندەگى ورىنباسارى بوتاگوز ابىشەۆا.