اتىراۋ وبلىسى بويىنشا مونوپولياعا قارسى دەپارتامەنت وڭىرلىك پروكۋراتۋرامەن بىرلەسىپ, اتىراۋ مۇناي وڭدەۋ زاۋىتىنىڭ ۇستەم جاعدايىن تەرىس پايدالانۋ دەرەگىن انىقتادى, دەپ حابارلايدى Egemen.kz باسەكەلەستىكتى قورعاۋ جانە دامىتۋ اگەنتتىگىنىڭ ءباسپاسوز قىزمەتىنە سىلتەمە جاساپ.
«قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىنىڭ اتىراۋ وبلىسى بويىنشا دەپارتامەنتى اتىراۋ وبلىسى بويىنشا پروكۋراتۋراسىنىڭ باسشىلىعىمەن «اتىراۋ مۇناي وڭدەۋ زاۋىتى» جشس قىزمەتىن تەكسەرۋ شەڭبەرىندە 2020-2021 جىلدارى شيكى مۇنايدى قايتا وڭدەۋ بويىنشا جۇمىستاردى ورىنداۋعا مونوپوليالىق جوعارى باعا بەلگىلەۋ تۇرىندە ءاموز ۇستەم جاعدايىن تەرىس پايدالانۋ فاكتىلەرىن انىقتادى», دەلىنگەن حابارلامادا.
مونوپولياعا قارسى دەپارتامەنتتىڭ قورىتىندىسى ءىس جۇرگىزۋ شەشىمىن قابىلداۋ ءۇشىن اتىراۋ وبلىسى بويىنشا پروكۋراتۋراسىنا جىبەرىلدى.
وڭىرلىك پروكۋراتۋرامەن قر قىلمىستىق كودەكسىنىڭ 221-بابى «مونوپوليستىك قىزمەت» بويىنشا ء«اموز» جشس قاتىستى سوتقا دەيىنگى تەرگەۋ باستالىپ, 2020-2021 جىلدارى شيكى مۇنايدى قايتا وڭدەۋ بويىنشا قىزمەتتەرگە مونوپوليالىق جوعارى باعانى بەلگىلەۋ فاكتىسى بويىنشا اتىراۋ وبلىسى بويىنشا ەكونوميكالىق تەرگەۋ دەپارتامەنتىنە جولداندى.