باتىس افريكادا ءىرى جول اپاتى بولدى. اپات سالدارىنان اۆتوبۋستىڭ بارلىق 20 جولاۋشىسى قازا تاپتى, ونىڭ ىشىندە ءتورت بالا بولعان ەدى, دەپ حابارلايدى Egemen.kz.
جەرگىلىكتى Daily Post گازەتىنىڭ حابارلاۋىنشا, نيگەريادا باۋچي-كانو تاس جولىندا ەكى كوممەرتسيالىق اۆتوبۋس سوقتىعىسقان.
پوليتسيانىڭ مالىمەتىنشە, Volkswagen Golf 3 پەن Sharon ماركالى شاعىن اۆتوبۋسىنىڭ سوقتىعىسۋى سالدارىنان ءورت شىققان. اۆتوبۋستاردا بارلىعى 21 ادام بولدى, ولاردىڭ 20-سى تىرىدەي جانىپ قايتىس بولدى.
پوليتسەيلەردىڭ ايتۋىنشا, اپاتتان تەك اۆتوبۋس جۇرگىزۋشىسى امان قالىپ, اۋرۋحاناعا جەتكىزىلگەن.
قايتىس بولعان جولاۋشىلاردىڭ ىشىندە ءتورت بالا بار. پوليتسەيلەردىڭ پىكىرىنشە, جول-كولىك وقيعاسىنىڭ الدىن الا سەبەبى - جول ءجۇرۋ ەرەجەلەرىن ەلەمەۋ.