ۇلتتىق قاۋىپسىزدىك كوميتەتى تىڭشىلىق, مەملەكەتكە وپاسىزدىق جاساۋ, مەملەكەتتىك قۇپيالاردى زاڭسىز جيناۋ جانە جاريا ەتۋ كۇدىگىمەن ادامدار توبىن, ونىڭ ىشىندە شەتەل ازاماتىن ۇستادى, دەپ حابارلايدى Egemen.kz ۇقك ءباسپاسوز قىزمەتىنە سىلتەمە جاساپ.
قر قك 175-بابى 1-بولىگى (مەملەكەتكە وپاسىزدىق جاساۋ), 176-بابى (تىڭشىلىق) جانە 185-بابى 3-بولىگى (مەملەكەتتىك قۇپيالاردى زاڭسىز جيناۋ جانە جاريا ەتۋ) بويىنشا قىلمىستىق ىستەر قوزعالدى.
تەرگەۋ سوتى وسى ادامدار توبىنا قاتىستى قاماۋدا ۇستاۋ تۇرىندەگى بۇلتارتپاۋ شاراسىن تاڭدادى.
قىلمىستىق ىستەردىڭ «قۇپيا» بەلگىسى بار, وسىعان بايلانىستى تەرگەۋ مۇددەسىندە وزگە اقپارات جاريا ەتىلمەيدى.