مەن ءوزىمدى قازاقستاننىڭ ادال دوسىمىن دەپ ەسەپتەيمىن. سوندىقتان پرەزيدەنت قاسىم-جومارت توقاەۆتىڭ 16 ناۋرىزداعى قازاقستان حالقىنا جولداۋىمەن مۇقيات تانىسىپ شىقتىم. مەملەكەتتىڭ وسى جىلداعى باستى قۇجاتى كوڭىلىمنەن شىققاندىقتان قازاقستان كوشباسشىسىنىڭ رەفورمالارىنا بايلانىستى كەيبىر ويلارىممەن بولىسكەندى ءجون سانادىم.
پرەزيدەنت ۇسىنعان رەفورمالار ەلدەگى ساياسي پروتسەستەردى دامىتۋعا, سونىڭ ىشىندە سۋپەرپرەزيدەنتتىك باسقارۋ نىسانىنان باس تارتۋعا, پرەزيدەنت پەن پارلامەنتتىڭ تەپە-تەڭدىك جۇيەسىن جەتىلدىرۋگە, پارتيالار ءۇشىن تىركەۋ شەگىن تومەندەتۋگە باعىتتالعاندىعىن ماڭىزدى دەپ سانايمىن.
كوپپارتيالىق مادەنيەتتى دامىتۋ, ازاماتتىق قوعاممەن ديالوگتى كەڭەيتۋ باستاماسى, مەملەكەت باسشىسىنىڭ ءوز حالقىنىڭ سەنىمى مەن قولداۋىنا يە بولۋى, قوعام مەن بيلىك ەلەكتوراتتىڭ ماسەلەلەرىن اشىق, تىكەلەي ديالوگتا شەشۋى ەل دامۋى ءۇشىن ۇلكەن ماڭىزعا يە.
پرەزيدەنت قاسىم-جومارت توقاەۆتىڭ ساياسي باستامالارىن, ونىڭ «حالىق ۇنىنە قۇلاق اساتىن مەملەكەت» ۇستانىمىن ىسكە اسىرۋ دا الەۋمەتتىك-ەكونوميكالىق جاعدايدى جاقسارتۋعا, ماكروەكونوميكالىق تۇراقتىلىقتى قامتاماسىز ەتۋگە ىقپال ەتەتىنىنە سەنىمدىمىن.
سلوۆاكيانىڭ قازاقستانداعى بۇرىنعى ەلشىسى رەتىندە جاڭا قازاقستاندى قولدايمىن جانە قازاقستان حالقىنا اماندىق تىلەيمىن.
دۋشان پودگورسكي,
سلوۆاكيانىڭ 2005-2011 جىلدارداعى قازاقستانداعى ەلشىسى