جىل باسىنان بەرى قازاقستاندىقتارعا 704,9 ملرد تەڭگەدەن استام سوماعا زەينەتاقى تولەندى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.
«1 ناۋرىزداعى جاعداي بويىنشا قازاقستاندىقتارعا 704,9 ملرد تەڭگەدەن استام سوماعا زەينەتاقى تولەندى. 2022 جىلعى ناۋرىزدا رەسپۋبليكالىق بيۋدجەتتەن زەينەتاقى تولەمدەرىنە 234,8 ملرد تەڭگەدەن استام, ونىڭ ىشىندە بازالىق زەينەتاقىنى تولەۋگە – 71,4 ملرد تەڭگە, ىنتىماقتى زەينەتاقىنى تولەۋگە – 163,4 ملرد تەڭگە باعىتتالدى», دەلىنگەن ۆەدومستۆو حابارلاماسىندا.
مينيسترلىكتە ناقتىلاعانداي, 2022 جىلعى 1 ساۋىردەگى جاعداي بويىنشا زەينەتكەرلەر سانى 2 ملن 245,6 مىڭ ادامدى قۇرادى.
«2022 جىلعى 1 ساۋىردەگى جاعداي بويىنشا زەينەتاقى تولەمدەرىنىڭ ورتاشا مولشەرى (بازالىق زەينەتاقى تولەمىن ەسكەرە وتىرىپ) 105 344 تەڭگەگە جەتتى», دەپ قوستى قر ەحاقم ءباسپاسوز قىزمەتى.