پرەزيدەنت قاسىم-جومارت توقاەۆ 13 ساۋىردە «قازاقستان رەسپۋبليكاسىنىڭ ادام قۇقىقتارى سالاسىنداعى ودان ارعى شارالارى تۋرالى» جارلىققا تولىقتىرۋلار ەنگىزدى, دەپ حابارلايدى Egemen.kz.
ق. توقاەۆ قۇجاتقا مىناداي وزگەرىس پەن تولىقتىرۋ ەنگىزۋ تۋرالى قاۋلى قابىلدادى:
1 تارماقتا:
مىناداي مازمۇنداعى 1-1) تارماقشامەن تولىقتىرىلسىن:
«1-1) جۇمىستىڭ مىناداي باعىتتارىن كوزدەيتىن ادام قۇقىقتارى مەن زاڭ ۇستەمدىگى سالاسىنداعى ودان ارعى شارالاردىڭ جوسپارىن بەكىتۋ:
ايەلدەرگە قاتىستى كەمسىتۋشىلىكتى جويۋ;
ەرلەر مەن ايەلدەردىڭ تەڭ قۇقىقتارى مەن مۇمكىندىكتەرىن ىلگەرىلەتۋ;
بىرلەستىك بوستاندىعى قۇقىعى;
مۇگەدەك ادامدارعا قاتىستى ادام قۇقىقتارى;
ادامنىڭ قىلمىستىق سوت تورەلىگى, ازاپتاۋلاردىڭ جازاسى مەن الدىن الۋ جانە قاتىگەز قارىم-قاتىناس سالاسىنداعى قۇقىقتارى;
ادام ساۋداسى قۇرباندارىنىڭ قۇقىقتارىن قامتاماسىز ەتۋ;
كوشىپ-قونۋشىلارعا, ازاماتتىعى جوق ادامدارعا جانە بوسقىندارعا قاتىستى ادام قۇقىقتارى;
بۇۇ ورگاندارىمەن ءوزارا ءىس-قيمىل تەتىكتەرىن جەتىلدىرۋ»;
2) جانە 3) تارماقشالار مىناداي رەداكتسيادا جازىلسىن:
«2) ءىس-شارالار جوسپارىن جانە ودان ءارى شارالار جوسپارىن ىسكە اسىرۋدى قامتاماسىز ەتۋ;
3) جىل سايىن 25 قاڭتارعا قاراي جىل قورىتىندىلارى بويىنشا قازاقستان رەسپۋبليكاسى پرەزيدەنتىنىڭ اكىمشىلىگىنە ءىس-شارالار جوسپارىنىڭ جانە ودان ءارى شارالار جوسپارىنىڭ ورىندالۋ بارىسى تۋرالى اقپارات ۇسىنسىن».