ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە مەملەكەتتىك ەلتاڭبا اۆتورلارىنىڭ ءبىرى, بەلگىلى ساۋلەتشى, پروفەسسور جانداربەك مالىبەك ۇلىنىڭ Oitek عىلىمي-تاجىريبەلىك ورتالىعى اشىلدى.
مازمۇندى ءىس-شاراعا اتالعان ۋنيۆەرسيتەت رەكتورى, اكادەميك ەرلان سىدىقوۆ, ش.ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى زيابەك قابىلدينوۆ, رەسپۋبليكالىق ارداگەرلەر كەڭەسى توراعاسىنىڭ ورىنباسارى ومىرزاق وزعانباي, جازۋشى جولتاي ءالماش ۇلى جانە ت. ب. زيالى ازاماتتار قاتىسىپ, ءسوز سويلەدى.
Oitek ورتالىعىنىڭ ماقساتى – زاماناۋي ۇلتتىق ساۋلەت ونەرىن قالىپتاستىرۋدىڭ ىرگەلى ادىستەرىن ازىرلەۋ جانە ولاردىڭ عىلىم ناتيجەلەرىن قالا قۇرىلىسى مەن ءتۇرلى ساۋلەت نىساندارىن جەرگىلىكتى ەرەكشەلىكتەرىنە سايكەس جوبالاۋ. سوندىقتان جاڭا اشىلعان ورتالىق ءداستۇرلى قازاق مادەنيەتى سانالاتىن قازىرگى ۇلتتىق ساۋلەت ونەرىنىڭ قالىپتاسۋى بويىنشا تەوريالىق زەرتتەۋ مەن ەكسپەريمەنتتىك-تاجىريبە جۇرگىزۋگە ارنالىپ وتىر.
ءىس-شارا سوڭىندا بەلگىلى ءانشى كەنجەعالي مىرجىقباي جينالعاندارعا اننەن شاشۋ شاشىپ, تاماشا كوڭىل كۇي سىيلادى.