جاڭا جولداۋدا قوزعالعان وزەكتى ماسەلەلەر وتە كوپ. بىراق ءبىز ءبىر نارسەنى تۇسىنگەنىمىز ابزال. قوعامدى وزگەرتۋ ءۇشىن ءوزىمىزدى وزگەرتىپ, زامان اعىمىنا ىلەسۋ ارقىلى ءوز قابىلەتتەرىمىزدى دامىتساق, مەملەكەتىمىزدىڭ مەرەيى ۇستەم بولارى انىق.
«رۋحاني جاڭعىرۋ» – تۇراقتى دامۋ دەگەن ءسوز. «رۋحاني جاڭعىرۋسىز» تۇراقتى دامۋ مۇمكىن ەمەس. زامان دا, ۋاقىت تا وزگەرەدى. جاڭا تالاپتار جاڭا قۇندىلىقتاردىڭ پايدا بولۋىنا سەبەپكەر بولادى. حالىق تا, قوعام دا دامۋ كەرەك. دامۋ ءۇشىن, ەڭ الدىمەن, ءوزىڭدى تانۋىڭ كەرەك. دامۋ – دۇرىس تاريح جاساۋ دەگەن ءسوز. اسپەتتەگەن, ادەمىلەگەن تاريح ەمەس, شىن مانىندە, ءوزىنىڭ ىشىندەگى قاراما-قايشىلىعىمەن, كەمشىلىگىمەن, سونىڭ ءبارىن انىق, ءادىل ساراپتاي العان تاريحىمىز بولۋى كەرەك. رۋحاني جاڭعىرۋ مەن وزگەرۋدىڭ تۇپكى ماقساتى – قوعامدىق سانانى جاڭعىرتۋ بولعان سوڭ, ارينە قىرۋار جۇمىس اتقارىلارى بەلگىلى. قالىپتاسقان زاماناۋي قوعامعا اينالۋ ءۇشىن بۇل جولدى دا ءجۇرىپ ءوتۋىمىز كەرەك. سوندىقتان بۇل مىندەتتى ءبىر عانا بيلىكتىڭ, نە بولماسا زيالى قاۋىم وكىلدەرىنىڭ عانا يىعىنا ارتىلعان جۇك دەپ ۇعىنباۋىمىز كەرەك. قازاقستاندىق ءار ازامات ءوز سالاسى بويىنشا دۇرىس باعىتتا جۇمىس ىستەپ, وي ەلەگىنەن وتكىزۋگە ءتيىس.
مارات سىرلىباەۆ,
ش.ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىنىڭ رەكتورى