اقمولا وبلىسىندا جاباي جانە قالقۇتان وزەندەرىنىڭ سۋ دەڭگەيى كوتەرىلىپ كەلەدى, دەپ حابارلايدى Egemen.kz وبلىستىق توتەنشە جاعدايلار دەپارتامەنتىنە سىلتەمە جاساپ.
قۇزىرلى ورگان باسشىلىعىنىڭ ايتۋىنشا, بۇل دالاداعى قاردىڭ جاپپاي ەرۋىنىڭ سەبەبىنەن بولىپ وتىر. وسىلايشا جاباي وزەنىندەگى سۋ دەڭگەيى قازىر 5 مەتردەن, ال قالقۇتاندا 4 مەتردەن اسقان. بىراق مامانداردىڭ ايتۋىنشا ەشقانداي قاۋىپ ءتونىپ تۇرعان جوق. سەبەبى شەكتىك ولشەمگە دەيىن ءالى 1,5 مەتردەي بار. ونىڭ ۇستىنە ءبىراز اۋماقتىڭ قارى ەرىپ كەتكەن. سوندىقتان ولار قاتەرلى دەڭگەيگە دەيىن جەتە قويماس دەپ بولجاپ وتىر.
ايتا كەتەيىك, قازىرگى ساتتە اتباسار جانە استراحان اۋداندارىنداعى وزەندەر ءوز ارناسىنان اسىپ, قاۋىپ توندىرۋدە. ال وزگە ولكەلەردە تاسقىن قاۋپى سەيىلگەن. وبلىس بويىنشا سۋ اپاتىنان تولىق قۇتىلۋ ءۇشىن شامامەن ءالى 2 اپتادان استام ۋاقىت كەرەك دەيدى قۇزىرلى ورگان وكىلدەرى.
ايانا توعانبەك