قازاقستان قىزدار قۇراماسى جەڭىلىستەن كوز اشپاي كەلەدى

قازاقستان قۇراماسى ۋەلس قۇراماسىمەن وينادى.

بۇرىمدى فۋتبولشىلارىمىز 0:3 ەسەبىمەن ەسە جىبەردى. ۋەلس ساپىنان گولداردى كەيلي گرين (30-شى), ناتاشا حاردينگ (42-ءشى) جانە دجەسسيكا فيشلوك (65-ءشى) سوقتى.

قازاقستان قۇراماسى ءۇشىن بۇل رەسمي كەزدەسۋلەردەگى قاتارىنان 17-ءشى جەڭىلىس بولدى.

قازاقستاندىق فۋتبولشىلار 2018 جىلدىڭ 12 ماۋسىمىندا بوسنيا جانە گەرتسەگوۆينا قۇراماسىن (2:0) جەڭگەننەن بەرى جەڭىسكە جەتە الماي كەلەدى.

قازاقستاننىڭ قازىرگى ىرىكتەۋ كەزەڭىندەگى كورسەتكىشىنە كەلەتىن بولساق, قۇراما جەتى كەزدەسۋدە جەتى جەڭىلىسكە ۇشىرادى.