ەنەرگەتيكا مينيسترلىگى «سەمەي يادرولىق قاۋىپسىزدىك ايماعى تۋرالى» جانە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سەمەي يادرولىق قاۋىپسىزدىك ايماعى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوبالارىن ازىرلەپ, تانىستىردى, دەپ حابارلايدى Egemen.kz.
مينيسترلىك كەشەندى ەكولوگيالىق تەكسەرۋ جانە مەملەكەتتىك ەكولوگيالىق ساراپتاما ناتيجەلەرى بويىنشا انىقتالعان لاستانعان ۋچاسكەلەردە مامانداندىرىلعان ايماق قۇرۋ جوسپارلانعانىن دا اتاپ ءوتتى.
«سەمەي يادرولىق قاۋىپسىزدىك ايماعى تۋرالى» زاڭ جوباسىندا:
بۇرىنعى سەمەي سىناق پوليگونى جەرلەرىندە جانە نورماتيۆتەن تىس راديواكتيۆتى لاستانۋعا ۇشىراعان ىرگەلەس اۋماقتاردا «سەمەي يادرولىق قاۋىپسىزدىك ايماعى» ارنايى ايماعىن قۇرۋ;
راديواكتيۆتى لاستانۋدىڭ تارالۋىن شەكتەۋ;
پوليگون اۋماعىندا تاريحي پايدا بولعان راديواكتيۆتى قالدىقتاردى جيناۋ, ورنالاستىرۋ جانە كادەگە جاراتۋ ارقىلى سەمەي يادرولىق قاۋىپسىزدىك ايماعىنىڭ اۋماعىن وڭالتۋ;
سەمەي يادرولىق قاۋىپسىزدىك ايماعىنداعى راديواكتيۆتى لاستانۋ دەڭگەيىنە ۇزدىكسىز مونيتورينگ جۇرگىزۋ.
قاراۋ قورىتىندىسى بويىنشا زاڭ جوباسى ماقۇلدانىپ, ءارى قاراي قاراۋ ءۇشىن پارلامەنت ءماجىلىسىنىڭ جۇمىس توبىنا جولداندى.