ەلىمىزدىڭ بىرقاتار وڭىرلەرىن سۋ باسۋ قاۋپى ءالى دە سەيىلمەي تۇر. وسىعان وراي ءماجىلىس دەپۋتاتتارى ايماقتارعا ىسساپارعا شىعىپ, سۋ اپاتىنان زارداپ شەككەن تۇرعىندارمەن كەزدەسۋ ۇستىندە, دەپ حابارلايدى Egemen.kz.
دەپۋتاتتار مەملەكەت تاراپىنان كومەك كورسەتىلەتىنىن ايتىپ, ماسەلەلەردى وزدەرىنىڭ ءجىتى باقىلاۋىندا ۇستايتىنىن جەتكىزدى.
ءماجىلىس دەپۋتاتتارى قۇلشار مالىك پەن سنەجاننا يماشەۆا باتىس قازاقستان وبلىسىنا بارىپ, سۋ تاسقىنىنان زارداپ شەككەن اۋدان تۇرعىندارىمەن كەزدەستى.
مالىك قۇلشار قاراتوبە اۋدانىنداعى شالعىن اۋىلىندا بالالاردىڭ وقۋى ۇيىمداستىرىلعان اۋىلدىق كلۋبتا مۇعالىمدەرمەن تىلدەسىپ, ءمان-جايدى تالقىلادى.
«نەگىزگى مەكتەپتىڭ عيماراتىنا سۋ كىرىپ, بولمەلەردىڭ ورتاسى قۇلاعان. قازىر وقۋشىلار ۋاقىتشا اۋىلدىق كلۋبتا ءبىلىم الىپ جاتىر. اۋىلداعى 45 ءۇيدىڭ 29-نا سۋ كىرگەن, 23-ءى تۇرۋعا كەلمەيدى. اۋىل تۇرعىندارى سۋ كىرمەگەن ۇيلەرگە 3-4 جانۇيادان ءبولىنىپ ورنالاسقان. قۇلاعالى تۇرعان ۇيلەردى ساراپتاۋ جونىندەگى كوميسسيا جۇمىس ىستەپ جاتىر. اۋىل حالقى ەشقايدا كوشپەي, جاڭا مەكتەپ تە, ۇيلەر دە وسى اۋىلعا سالىنسا دەگەن وتىنىشتەرىن جەتكىزدى», دەدى دەپۋتات.