جويقىن جۇدىرىقتى جىگىتتەردىڭ جەتىستىگى

1956 جىلى ماسكەۋدە تۇساۋى كەسىلگەن سپارتاكيادادا بالقاش قالاسىندا تۋىپ-ءوسىپ, مەڭگەرەي حايرۋتدينوۆ پەن نيكولاي لي سىندى بىلىكتى باپكەرلەردىڭ قول استىندا جاتتىققان ۆلاديمير كارىموۆ 57 كيلو سالماقتا قولا مەدالدى يەلەندى. بۇل – جەرلەستەرىمىزدىڭ وسى بايراقتى باسەكەدە ولجالاعان تۇڭعىش جۇلدەسى. 1959 جىلعى دودادا ءۇش بىلعارى قولعاپ شەبەرىمىز جەڭىس تۇعىرىنا كوتەرىلدى: اناتولي كادەتوۆ باس جۇلدەنى ولجالادى, ماقسۇت وماروۆ كۇمىسپەن كۇپتەلسە, ءابدىسالان نۇرماحانوۆ قولا مەدالدى موينىنا ءىلدى. 1963 جىلى ا.كادەتوۆ ءۇشىنشى ورىندى قاناعات تۇتسا, يۋري سەليۆەرستوۆ تا ءۇشىنشى ساتىعا تابان تىرەدى. 1967 جىلى دا ءدال سونداي ناتيجەگە قول جەتكىزدىك. بۇل جولى ءا.نۇرماحانوۆپەن بىرگە ۆيكتور ميناكوۆ ۇزدىك ۇشتىكتى تۇيىندەدى.

1971 جىلى التى بىردەي جەرلەسىمىز سپارتاكيادادا تابىستى ونەر كورسەتتى. ولەگ گۋروۆ – ءبىرىنشى, جاندوس كوكىموۆ – ەكىنشى, مارات جاقسىباەۆ, ءابدىراشيد ءابدىراحمانوۆ, يۋري حريانين جانە ۆيك­تور گرەبەنيۋك ءۇشىنشى ورىنداردى ەنشى­لەدى. 1975 جىلعى جارىس تاشكەنتتە ۇيىم­داستىرىلدى. وزبەكستاننىڭ باس شاھارىندا ۆاسيلي پلاكۋششي مەن الەكساندر شەۆچەنكو كۇمىسكە قول سوزسا, تولەۋعازى تۇر­سىنحانوۆ قولا مەدالدى يەلەندى. 1979 جىلى قازاقستاننىڭ ەكى بوكسشىسى التىن تۇعىرعا كوتەرىلدى. ولار – كامىل سافين مەن ۆيكتور دەميانەنكو. سەرىك نۇرقازوۆ پەن ۆالەري راچكوۆ فينالدا ۇتىلسا, قانات جاقسىباەۆ پەن سەرىك قوناقباەۆ قولا مەدالدى مويىندارىنا ءىلدى. سونىڭ ارقاسىندا جەرلەستەرىمىز جالپى ەسەپتە ءۇشىنشى ساتىعا جايعاستى. 

1983 جىلى قازاقستان قۇراماسى كومان­دالىق سايىستا ەكىنشى ورىنعا كوتەرىلدى. ۆيكتور دەميانەنكو مەن ەرىك حاكىموۆكە تەڭ كەلەر ەشكىم تابىلماسا, راشيد كابيروۆ پەن الەكسەي چەرەپانوۆ شەشۋشى تۇستا ۇتىلدى. شۋحرات احمەتجانوۆ, جۇماتاي ءتۇسى­پوۆ جانە سەرىك نۇرقازوۆ جارتىلاي فينالدا ءسۇرىندى. 1986 جىلى سول ناتيجەنى قايتالادىق. يگور رۋجنيكوۆ – ءبىرىنشى, امزەلى اقىلباەۆ, ەۆگەني زايتسەۆ جانە الەكساندر ميروشنيچەنكو – ەكىنشى, كارىمجان ءابدىراحمانوۆ, ستانيسلاۆ سميرنوۆ جانە تيموفەي چەرنوۆ ءۇشىنشى ورىندارعا تابان تىرەدى.

كسرو-نىڭ سوڭعى سپارتاكياداسى 1991 جىلى مينسكىدە ءوتتى. بەلارۋس استاناسىندا بولات تەمىروۆ, قاناتبەك شاعاتاەۆ, يگور شيشكين جانە نيكولاي كۋلپين تەڭدەسسىز دەپ تانىلسا, مەرەكە ءجۇسىپوۆ, نۇرجان سمانوۆ جانە اناتولي كۋشكوۆ كۇمىسكە قول سوزدى. مۇرات قاسەنوۆ, بولات نيازىمبەتوۆ جانە ميحايل يۋرچەنكو قولا مەدالدى يەلەندى. ناتيجەسىندە, اتالعان جارىستىڭ كوماندالىق ەسەبىندەگى باس جۇلدە ءبىزدىڭ جىگىتتەرگە بۇيىردى.

تاۋەلسىزدىككە قول جەتكىزگەننەن كەيىن جەر-جاھاننىڭ ەڭ ۇزدىك بوكسشىلارى باس قوسقان وليمپيا ويىندارىندا كۇش سىناسۋ قۇرمەتىنە يە بولدىق. بۇل مۇمكىندىكتى وتانداستارىمىز ۇتىمدى پايدالاندى. 1996-2021 جىلدار ارالىعىندا الاۋى تۇتانعان جەتى جارىستىڭ ۇشەۋىنىڭ جالپىكوماندالىق ەسەبىندە ۇزدىك ۇشتىكتىڭ ساناتىنا ەندىك. وسىنداي وراسان زور تابىسقا 1996 جىلى اتلانتا, 2000 جىلى سيدنەي جانە 2016 جىلى ريو-دە-جانەيرودا قول جەتكىزدىك. 2004 جىلى افينادا تايلاند قۇراماسىمەن بىرگە ءۇشىنشى جانە ءتورتىنشى ورىنداردى ءوزارا بولىستىك. 2012 جىلى لوندوندا ءتورتىنشى ساتىعا جايعاستىق. 2008 جىلى بەيجىڭدە جەتىنشى ورىندى قاناعات تۇتتىق. ءبىز ءۇشىن تەك بىلتىر توكيودا وتكەن سايىس ءساتسىز اياقتالدى. نەبارى قوس قولا مەدالدى قورجىنعا سالعان وتانداستارىمىز قالىڭ توپتىڭ اراسىندا قالىپ قويدى.

جالپى, بوكستان قازاقستان ۇلتتىق قۇراما كومانداسىنىڭ وليمپيادالارداعى كورسەتكىشىنە كوڭىلىمىز تولادى دەپ ەش قىم­سىن­باي ايتۋعا بولادى. وتانداستارىمىزدىڭ اراسىنان وليمپيا ويىندارىندا مى­نا بوكسشىلارىمىز ولجاعا كەنەلدى: التىن – ۆاسيلي جيروۆ (1996), بەكزات سات­تار­­حانوۆ (2000), ەرماحان ىبىرايىموۆ (2000), باقتيار ارتاەۆ (2004), باقىت سار­سەكباەۆ (2008), سەرىك ساپيەۆ (2012) جانە دانيار ەلەۋسىنوۆ (2016). كۇمىس – بولات ءجۇمادىلوۆ (1996, 2000), مۇحتارحان دىلدابەكوۆ (2000), گەننادي گولوۆكين (2004), ادىلبەك نيازىمبەتوۆ (2012, 2016) جانە ۆاسيلي لەۆيت (2021). قولا – بولات نيازىمبەتوۆ (1996), ەرماحان ىبىرايىموۆ (1996), سەرىك ەلەۋوۆ (2004), ەركەبۇلان شىناليەۆ (2008), يۆان دىچكو (2012, 2016), ساكەن بيبوسىنوۆ (2021) جانە قام­شىبەك قوڭقاباەۆ (2021). ودان بولەك جيروۆ, ارتاەۆ جانە ساپيەۆ سىندى ءۇش بىر­دەي ساڭلاعىمىز وليمپيادانىڭ ەڭ ۇزدىك بوك­سشىسىنا تيەسىلى ۆەل باركەر كۋبوگىن يەلەندى.

الەم چەمپيوناتتارىنداعى تابىسى­مىز دا تولاعاي. 1993-2021 جىلدار ارالىعىندا اتالعان جارىستىڭ جالاۋى 15 مارتە جەلبىرەدى. جەرلەستەرىمىزدىڭ الدىندا ءۇش كوماندا عانا بار. ولار – كۋبا, اقش جانە رەسەي. قالعان الپاۋىتتار ارتىمىزدان سىعالاپ قالدى. الەم چەمپيوناتىنىڭ كومان­دالىق ەسەبىندە وتاندىق بىلعارى قولعاپ شەبەرلەرىمىزدىڭ كورسەتكىشتەرى مىناداي: 1-ورىن – 2013 جىل. 2-ورىن – 2021 جىل. 3-ورىن – 2003, 2005, 2017, 2019 جىلدار. 5-ورىن – 1999, 2007 جىلدار. 7-ورىن – 2011 جىل. 8-ورىن – 1997, 2015 جىلدار. 9-ورىن – 1995 جىل. ال 1993, 2001 جانە 2009 جىلدارى «توپ-10» كوماندانىڭ قاتارىنا قوسىلا المادىق.

الەم چەمپيوناتتارىندا جەڭىس تۇعى­رىنا كوتەرىلۋ باقىتى ەسىمدەرى تومەندە اتال­عان بوكسشىلارىمىزعا بۇيىردى: التىن – بولات ءجۇمادىلوۆ (1999), گاليب جافاروۆ (2003), گەننادي گولوۆكين (2003), سەرىك ساپيەۆ (2005, 2007), ەردوس جاڭا­بەرگەنوۆ (2005), ءبىرجان جاقىپوۆ (2013), مەرەي اقشالوۆ (2013), دانيار ەلەۋسىنوۆ (2013), جانىبەك ءالىمحان ۇلى (2013), قايرات ەراليەۆ (2017), بەكزات نۇرداۋلەتوۆ (2019), تەمىرتاس ءجۇسىپوۆ (2021) جانە ساكەن بيبوسىنوۆ (2021). كۇمىس – بولات ءجۇمادىلوۆ (1995), ەرماحان ىبىرايىموۆ (1997), مۇحتارحان دىلدابەكوۆ (1999), گاليب جافاروۆ (2001), سەرىك ساپيەۆ (2011), ادىلبەك نيازىمبەتوۆ (2011, 2013), يۆان دىچكو (2013, 2105), دانيار ەلەۋسىنوۆ (2015), ءابىلحان امانقۇل (2017), قامشىبەك قوڭقاباەۆ (2017, 2019), ماحمۇد سابىرحان (2021) جانە سەرىك تەمىرجانوۆ (2021). قولا – ۆاسيلي جيروۆ (1993, 1995), بولات ءجۇمادىلوۆ (1997), ەرماحان ىبىرايىموۆ (1999), ءبىرجان جاقىپوۆ (2005), ميرات سارسەمباەۆ (2005), باقتيار ارتاەۆ (2005, 2007), ەركەبۇلان شىناليەۆ (2007), سەرىك ساپيەۆ (2009), عاني جايلاۋوۆ (2011), يۆان دىچكو (2011), قايرات ەراليەۆ (2013), بەرىك ءابدىراحمانوۆ (2013), ەرجان جومارت (2017), ابىلايحان ءجۇسىپوۆ (2017, 2019, 2021), ۆاسيلي لەۆيت (2017, 2019), ساكەن بيبوسىنوۆ (2019) جانە تۇرسىنباي قۇلاحمەت (2019).

وليمپيا ويىندارىنىڭ ناتيجەسى

(1996-2021 جىلدار ارالىعى)

ورىن

كوماندالار

التىن

كۇمىس

قولا

بارلىعى

1.

رەسەي

11

4

17

32

2.

قازاقستان

7

7

8

22

3.

وزبەكستان

5

2

8

15

4.

ۋكراينا

4

4

7

15

5.

بەلارۋس

0

2

0

2

6.

ازەربايجان

0

1

8

9

7-8.

مولدوۆا

0

0

2

2

7-8

ارمەنيا

0

0

2

2

9-10.

ليتۆا

0

0

1

1

9-10.

گرۋزيا

0

0

1

1

11-15.

قىرعىزستان, تاجىكستان, لاتۆيا, ەستونيا, تۇرىكمەنستان

0

0

0

0

الەم چەمپيوناتتارىنىڭ ناتيجەسى

(1993-2021 جىلدار ارالىعى)

ورىن

كوماندالار

التىن

كۇمىس

قولا

بارلىعى

1.

رەسەي

26

21

22

69

2.

قازاقستان

14

15

22

51

3.

وزبەكستان

9

15

19

43

4.

ۋكراينا

7

12

11

30

5.

ازەربايجان

7

4

11

22

6.

ارمەنيا

1

1

6

8

7.

گرۋزيا

1

1

4

6

8.

بەلارۋس

0

2

6

8

9.

ليتۆا

0

1

3

4

10.

تاجىكستان

0

0

3

3

11-15.

قىرعىزستان, تۇرىكمەنستان, ليتۆا, ەستونيا, مولدوۆا

0

0

0

0