سوڭعى جىلدارى قازاقستاندا 18 كوللەدج جابىلدى. بۇنىن سەبەبىن قر ءبىلىم جانە عىلىم مينيسترلىگىنىڭ تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى ناسىمجان وسپانوۆا ءتۇسىندىرىپ بەردى, دەپ حابارلايدى Egemen.kz.
«سوڭعى جىلدارى رەسپۋبليكامىزدا 18 كوللەدج جابىلدى. ولار ليتسەنزيانى قايتارىپ الۋ سەبەبىمەن جابىلعان جوق, وڭتايلاندىرۋ, پروفيلدەندىرۋ ماقساتىندا جابىلدى جانە نەگىزىنەن بۇل شارا جەكە كوللەدجدەرگە قاتىستى بولدى», دەپ ءتۇسىندىردى ناسىمجان وسپانوۆا.
ول كوللەدجدەردە ءبىلىم بەرۋدى جاقسارتۋعا قاتىستى بىرقاتار ءىس-شارالار وتكىزىلگەنىن ايتتى. ءبىرىنشى كەزەكتە, ءبىلىم بەرۋ باعدارلامالارىن ازىرلەۋدە اكادەميالىق دەربەستىك بەرىلدى, ول ەڭبەك نارىعىنىڭ تالاپتارىنا جىلدام, وڭتايلى دەن قويۋدى, ءبىلىم مينيسترلىگى كوپتەگەن جىلدار بويى رەتتەپ كەلگەن ۇلگىلىك وقۋ جوسپارلارى مەن باعدارلامالارىنان قالىس قالماۋدى كوزدەيدى.