باعا وسكەندە بانكتەر نە ۇسىنادى؟

تاۋارلار مەن قىزمەتتەردى ءبولىپ تولەۋگە قولجەتىمدىلىك بەرە­تىن ەڭ ىڭعايلى ءونىم – ءبولىپ تولەۋ كارتالارى. Ranking-ءتىڭ جازۋىنشا, قازىر مۇنداي كارتالاردى ەلىمىزدەگى 22 ەكىنشى دەڭگەيلى بانكتىڭ 10-ى عانا ۇسىنادى. سونىڭ ىشىندە سەرىكتەستىك جەلىلەرىنە بايلانباي, ەشقانداي گەوگرافيالىق شەكتەۋلەرگە ۇرىنباي, سىيلىقاقى مەن كوميسسيانى دا قوسپاي «تازا» ءبولىپ تولەۋ ۇسىناتىن ءتورت قانا بانك بار, ولار – ForteBank, «سبەربانك», Jusan Bank جانە Altyn Bank. كوپ جاعدايدا ءبولىپ تولەۋ مەرزىمى 3 ايعا جوسپارلانادى.

ء«ۇش ايدان اساتىن ءبولىپ تولەۋ­دى قوسىمشا تولەم جاساۋ ار­قىلى راسىمدەۋگە بولادى. مۇنداي ەڭ ۇلكەن مەرزىم – 36 ايعا دەيىنگىنى ForteBank ۇسىنادى. «سبەربانكتە» اقىلى تۇردە 24 ايعا دەيىن, Jusan Bank-تە 12 ايعا دەيىن (ليميتكە بايلانىستى 490-نان 4 990 تەڭگەگە دەيىنگى ارالىقتا كوميسسيا) مەرزىمدى ۇزارتۋعا بولادى. Altyn Bank مەرزىمدى تەك 6 ايعا عانا ۇزارتا الادى. بانك سايتىندا ءبولىپ تولەۋ شارتتارى كورسەتىلمەگەن. بۇل ءتورت بانكتە دە كارتاعا قىزمەت كورسەتكەنى ءۇشىن كوميسسيا الىنبايدى», دەپ جازادى Ranking.

كارتالار بويىنشا نەسيە ليميتتەرى مىناداي: ForteBank پەن «سبەربانكتە» – 3 ملن تەڭگە­گە دەيىن, Altyn Bank-تە – 5 ملن تەڭگەگە دەيىن, ال Jusan-دا – 1 ملن تەڭگەگە دەيىن. تاعى ءبىر ءمان بەرەر جايت – ءبولىپ تولەۋ كارتا­لارىنىڭ جان-جاقتىلىعى. ماسەلەن, Forte, سبەر جانە Altyn كارتالارىن نەسيە كارتاسى رەتىندە دە پايدالانۋعا بولادى, ياعني نەسيە ءليميتى شەگىن­دە قولما-قول اقشانى شىعارۋ ارقى­لى. سونداي-اق ForteBlack-تى بۇل ماقساتتاردان وزگە, ادەتتەگى دەبەتتىك كارتا رەتىندە قولدانۋعا مۇمكىندىك بار. ال ءبولىپ تولەۋدى ساتىپ الۋدى اياقتاعان سوڭ راسىمدەيسىز.

«وزگە ەلدەردە دە پايدالانۋ­عا مۇمكىندىك بەرەتىن ءبولىپ تولەۋ كارتالارىن 5 بانك ۇسىنادى, بىراق تەگىن ەمەس. ولار – «بانك تسەنتركرەديت», «ەۋرازيالىق بانك», «بانك حوۋمكرەديت», Halyk Bank جانە «الفا-بانك». ءۇش بانك­تە قىزمەت كورسەتكەنى ءۇشىن كوميسسيا الىنادى: Halyk Bank-تە – قولدانىس مەرزىمى ەكىنشى جىلعا اۋىسقاندا 6 990 تەڭگە, «الفا-بانكتە» – قولدانىس مەرزىمى ەكىنشى ايعا اۋىسقاندا 1 000 تەڭگە, «بانك حوۋم كرەديتتە» DOS كارتالارى بويىنشا ءبولىپ تولەۋدى تولىق وتەگەنگە دەيىن اي سايىن 499 تەڭگە ۇستالىپ وتىرادى», دەپ دەرەك كەلتىرەدى Ranking ساراپشىلارى.

سونداي-اق سەرىكتەستىك جەلىلەرى­نەن تىس ءبولىپ تولەۋ ساتىلىمىن جاساعان كەزدە «بانك تسەنتركرەديت» پەن Halyk Bank ايىنا 1 پايىز كولەمىندە, ال «ەۋرازيالىق بانك» SMARTCard كارتاسى بويىنشا ايىنا 1000 تەڭگە, PayDa! كارتاسى بويىنشا ايىنا 2000 نەمەسە 5000 تەڭگە ء(بىر ايداعى ساتىپ الۋ سوماسىنا بايلانىستى) كولەمىندە كوميسسيا ۇستاپ قالادى.

ەلدەگى ەكى بانك تەك وزدەرىنىڭ سەرىك­تەستىك جەلىلەرى بويىنشا عا­نا ءبولىپ تولەۋ كارتالارىن ۇسى­نا­­دى: Kaspi Bank ءوز كليەنتتەرىنە Kaspi Red-ءتى ۇسىنسا, «بانك حوۋم كرەديت» DOS Pro ونىمدەرىمەن بايلانىستى ساتىپ الۋلارعا عانا ءبولىپ تولەۋ ءراسىمىن بەرەدى.