اكادەميكتىڭ جەكە زاتتارى مۋزەيگە تاپسىرىلدى

مازمۇندى ءىس-شاراعا عالىم­نىڭ ۇلى, فيلوسوفيا عىلىم­دارىنىڭ دوكتورى, اكادەميك نۇر سەرىك ۇلى قيراباەۆ, الاش­تانۋشى عالىم, اكادەميك ديحان قامزابەك ۇلى, ۇلت­تىق مۋزەيدىڭ باس عىلىمي قىزمەتكەرى, اكادەميك جاكەن تايماعامبەتوۆ جانە ت.ب. زيالى قاۋىم وكىلدەرى قاتىستى.

ءىس-شارا بارىسىندا ۇلتتىق مۋزەي ديرەكتورىنىڭ ورىنباسارى اباي ساتىبالدين سانالى عۇمىرىن قازاق ادەبيەت­تانۋ عىلىمىنا ارناپ, ۇلت رۋحانياتىنا ولشەۋسىز ەڭبەك سىڭىرگەن عالىمنىڭ ەڭبەك جولى مەن شىعارماشىلىعىنا توق­تالدى. «سەرىك قيراباەۆ − وتىز جىلدان اسا ۋاقىت اباي اتىنداعى قازاق ۇلت­تىق پە­داگوگيكالىق ۋنيۆەرسي­تە­تىندە قىزمەت ەتتى. ودان سوڭ مۇح­­تار اۋەزوۆ اتىن­داعى ادە­بيەت جانە ونەر ينستيتۋ­تىن باسقاردى. قازاق ادە­بيە­تىنىڭ تاريحى مەن تەورياسى جو­نىن­دە سۇبەلى ەڭبەكتەر جازدى. ناق­تىراق ايتقاندا, 40-تان اسا مونوگرافيا, 800-دەن اسا ادەبيەت سىنى تەو­ريا­سى جونىندە ماز­مۇن­دى ما­قالا جازىپ, ادەبيەتتانۋ عىلىمىنىڭ دامۋىنا زور ۇلەسىن قوستى», دەدى ول.

سودان كەيىن ءسوز العان ار­داقتى عالىمنىڭ شاكىرتى, اكادەميك ديحان قامزابەك ۇلى سەرىك قيراباەۆتىڭ ادەبيەت­تا­نۋ ابىزى دارەجەسىنە جەتكەن بىرە­گەي تۇلعا ەكەنىن ءسوز ەتتى.

− ادەبيەت, مادەنيەت جانە ءبىلىم سالاسى ماماندارى ءۇشىن «اكادەميك قيراباەۆ» اتانعان ابزال ازاماتتىڭ كەمى الپىس بەس جىلدان اساتىن شىعارماشىلىق ءداۋىرى ۇل­تىمەن بىرگە جاساپ, حالقى­نىڭ رۋحاني تاعدىرىمەن بىرگە ءورىلىپ كەلەدى دەسەك, جا­ڭى­لىس­­پايمىز. ادەبيەت – ۇلت­تىق ما­دەنيەتتىڭ ءبىر سالاسى. ونىڭ دامۋى ۇلتتىڭ تىلىمەن, دىلىمەن, ۇعىم-تۇسىنىگىمەن, پاراساتىمەن, دۇنيە­تانىمىمەن تىكەلەي باي-ل­ا­نىستى. وسىنىڭ ءبارى كور­كەم تۋىن­دى ارقىلى كورىنىپ, حا­لىقتىڭ ساناسىنا سىڭگەن, ونىڭ رۋحا­ني ءومىرىن قالىپتاستىرعان, − دەدى عالىم.

نۇر قيرا­باەۆ اكەسى تۋرالى جىلى ەستەلىك­تەرىمەن ءبولىسىپ, وتباسىلىق قورىنان اكا­دەميكتىڭ كوزى تىرىسىندە ءوزى تۇتىنعان جەكە زات­تارىن, وردەن-مەدالدارىن, كىتاپ­تارىن مۋزەي قورىنا تابىس ەتتى.