ۇرگەنى دە ۇرەي تۋعىزادى

بۇل وقيعا اقسۋ اۋىلدىق ايما­عىنا قاراستى كوكتاس اۋىلىن­دا ورىن العان. الەۋمەتتىك جەلى­لەر­دە تاراعان بەينەجازبادا قو­را­داعى قويلاردىڭ قانعا مالىنىپ, ءار جەردە ارام قاتقانىن بايقاۋعا بولادى. كەيبىر مالدىڭ ءالى دە «اقتىق دەمى» ۇزىلمەي, كومەك سۇراعانداي ايانىشتى ءۇنى جانعا باتادى. ال مال يەسىنىڭ قانداي كوڭىل كۇيدە جۇرگەنىن پايىمداي بەرىڭىز. ونىڭ اي­تۋىن­شا, ءاۋ باستا ۋاق مالعا قاس­قىر شاپتى نەمەسە قاڭعىباس يتتەر شابۋىل جاسادى دەگەن بولجام ويعا كەلگەن. وبلىستىق ۆەتەرينارلىق ستانساسى اقسۋ قالالىق فيليالىنىڭ باسشىسى ميرات تيكانوۆتىڭ ايتۋىنشا, «جاۋ» كورشى ورنالاسقان كوتتەدج­گە جاسىرىنعان. مالعا شاپقان يەسى بار, بىراق قاراۋسىز قالعان يتتەر بولىپ شىقتى.

بۇل ىسپەن ءارى قاراي وبلىستىق پوليتسيا دەپارتامەنتى اينالىس­تى. بەلگىلى بولعانداي, ولگەن مال­دىڭ ۇشەۋى – قوي, توعىزى قو­زى ەكەن. وقيعا ورنىنا كەلگەن ءتار­­تىپ ساقشىلارى ۆەتەرينارلىق قىزمەتپەن بىرلەسىپ, 27 ناۋرىز كۇنى ساعات 03.00-دەن 04.00-گە دەيىنگى ۋاقىت ارالىعىندا قوراعا 3 ءيتتىڭ كىرگەنىن انىقتادى. جا­بىر­لەنۋشى 400 مىڭ تەڭگە كو­لە­مىندە زالال كەلتىرىلگەنىن اي­تىپ, پوليتسيا دەپارتامەنتىنە ءوتىنىش تۇسىرگەن.

– اتالعان فاكتىگە قاتىستى قر اقبك 408-بابى 2-بولىگى بويىنشا يتتەردىڭ 46 جاستاعى يەسىنە قاتىستى «جەكە تۇلعانىڭ مۇلكىنە زيان كەلتىرگەن يتتەردى سەرۋەندەتۋ ەرەجەلەرىن بۇزۋ» بويىنشا اكىمشىلىك ءىس قوزعالدى. بۇل باپ 10 اەك مولشەرىندە ايىپپۇل سالۋدى كوزدەيدى, سوما 30 مىڭ تەڭگەدەن اسادى. حات­تا­مانىڭ كوشىرمەسىن ال­عان­نان كەيىن زارداپ شەككەن تاراپ كەلتىرىلگەن زالالدى وتەۋ ءۇشىن ازاماتتىق تارتىپپەن سوتقا جۇ­گى­نۋ­گە قۇقىلى, – دەيدى وبلىس­تىق پوليتسيا دەپارتامەنتى جەرگى­لىكتى پوليتسيا قىزمەتى باسقار­ما­سى باستىعىنىڭ ورىنباسارى قۋانىش مۇستافينوۆ.

ارينە, مۇنداي شەشىمگە يت يەسىنەن باسقا ەشكىمنىڭ كوڭىلى تولعان جوق. اي مەن كۇننىڭ امانىندا قوراداعى 12 مالىنان ايىرىلعان مال يەسى 30 مىڭ تەڭ­گەگە قاي جىرتىعىن جامايدى؟ الەۋمەتتىك جەلى قولدانۋشىلارى الگى يتتەردىڭ سول ءتۇنى ادامعا تاپ بەرۋى دە مۇمكىن ەكەنىن العا تارتىپ, قاتاڭ جازا سۇراۋدا. كوتتەدجدە قالتاسى جۇقا ادام تۇرمايتىنى تۇسىنىكتى. ءۇش يت اسىراسا, بايلىعىن كۇزەتۋدىڭ قامىن جەگەن بولار. ايتپاعىمىز, كورشىلەر بۇل ماسەلەنى ءوزارا وڭ شەشىپ, مالدىڭ قۇنى دۇرىس وتەلسە ەكەن.

جالپى, وڭىردە يەسىز يتتەر­دىڭ ءجيى ۇرەي تۋعىزاتىنى بەل­گى­لى. ءتىپتى بىلتىر مەكتەپ وقۋ­­شىلارىن يت قابۋ فاكتىسى تىر­­كەلگەنىن دە جۇرت ۇمىتا قوي­عان جوق. وبلىستىق ۆەتەريناريا باسقارماسى ەپيزووتياعا قار­سى ءىس-شارالار ءبولىمىنىڭ باس ما­ما­نى جانار سادىعۇلوۆانىڭ ايتۋىنشا, 2021 جىلى 30 جەل­توقساندا قابىل­دانعان «جانۋار­لار­عا جاۋاپ­كەرشى­لىكپەن قا­راۋ تۋرالى» زاڭدا يتتەر مەن مى­سىق­تاردى ۇستاۋ جانە سەر­ۋەن­­دەتۋ, تۇرعىنداردىڭ قاۋىپ­سىز­دىگىن قامتاماسىز ەتۋ ماق­سا­تىندا ولاردىڭ اۋرۋلارعا قار­سى ەكپە الۋى, سونداي-اق پرو­فيلاكتيكالىق شارالاردى جۇر­گى­زۋ شارالارى كۇشەيتىلگەن.

– قاڭعىباس يتتەردىڭ سانى ازايماۋىنىڭ باستى سەبەبى – جانۋار يەسىنىڭ جاۋاپسىزدىعى. اسىرەسە قالا ماڭىنداعى, وبلىس ورتالىعىنا جاقىن ەلدى مەكەندەردە جاڭا قونىس سالۋ­شى­لار 2-3 يتكە دەيىن اسىراپ, ولارعا ۋاقتىلى اس-سۋىن بەر­مەي, قاڭعىتىپ جىبەرەدى. مىنە, زاڭ وسىنىڭ بارلىعىن رەتكە كەلتىرىپ, اسىراپ العان جان­ۋار­لار­عا جاۋاپكەرشىلىكپەن قاراۋدى باستى نەگىزگە الىپ وتىر.

يتتەر جىلىنا ەكى رەت كۇشىك­تەي­دى. قاڭعىباس يتتەردىڭ سانى وسى سەبەپتى ازايماي تۇر. وعان قوسا بۇل ءيتتىڭ يەلەرى ولاردى با­عىپ-قاعۋ ماسەلەسىنە نەم­قۇ­راي­دى­لىق تانىتادى. اش يت-مىسىق قوقىس جاشىكتەرىن جاعالايدى. قالا ماڭىنداعى ساياجاي ۋچاس­كە­لەرىنەن يەلەرى تاستاپ كەتكەن ءۇيسىز جانۋارلار قالا ورتالىعىنا بارادى. يت ۇستاۋشى ازاماتتاردىڭ وزگەلەرگە دەگەن قۇرمەتى ارتقان كەزدە ماق ۇلىق حايۋاننان زارداپ شەگۋشىلەر بولماس ەدى. يت-مىسىق اسىرايتىن تۇرعىندار ولارعا ينفەكتسيالىق اۋرۋلارعا قارسى ەكپە سالدىرتىپ, ءيتىن بوس جىبەرمەي, قارعىباۋمەن بايلاۋدا ۇستاۋ كەرەكتىگىن ەسكە سالامىز, – دەيدى مامان.

جىل سايىن قاڭعىباس يتتەردى اۋلاۋعا قازىنادان قوماقتى قا­را­جات بولىنەدى. بىراق قارجى سۋعا سىڭگەنمەن بىردەي. سەبەبى قاڭ­عىباس يتتەر ازايعان جوق, ساي­كە­سىنشە قاۋىپ تە سەيىلمەدى. بار گاپ ءيتتى اسىراۋ مادەنيەتىنىڭ تومەندىگىندە سياقتى. اسىرادىڭ با, قاڭعىتپا! اسىراماساڭ, پروبلەما دا جوق!

پاۆلودار وبلىسى