قازاقستان حالقى وسىدان 30 جىل بۇرىن تاۋەلسىزدىككە قول جەتكىزدى. سوڭعى 30 جىل ىشىندە ەلدەگى ەكونوميكالىق ساياسات ايتارلىقتاي وزگەردى. وسى ۋاقىت ارالىعىندا ەل ۇكىمەتىنە دە, حالىققا دا زور جاۋاپكەرشىلىك پەن جاڭا مىندەتتەر جۇكتەلدى.
بۇل وزگەرىستەر قازاقستاننىڭ تاۋەلسىز جانە ەركىن ەل رەتىندە ءومىر ءسۇرۋى ءۇشىن جاسالدى. وسى 30 جىل ىشىندە قازاقستان عانا ەمەس, قورشاعان ورتا دا, الەم دە وزگەردى. ءبىز قازىر ۇنەمى وزگەرىپ وتىراتىن الەمدە ءومىر ءسۇرىپ جاتىرمىز, قارقىندى دامىپ جاتقان ساياسي جانە ەكونوميكالىق جاعدايلاردىڭ كۋاسى بولىپ وتىرمىز. كۇن سايىن جاڭا ماسەلەمەن بەتپە-بەت كەلىپ, ونى شەشۋىمىزگە تۋرا كەلەدى. كۇش پەن بوستاندىقتى قاتار ۇستاپ, بۇگىنگى وزگەرىستەرگە بەيىمدەلە العان كەز كەلگەن مەملەكەت جەتىستىككە جەتۋگە قاۋقارلى.
ەل مەن حالقى مەملەكەتتىڭ ساياسي, ەكونوميكالىق, قۇقىقتىق قاۋىپسىزدىگىنىڭ نىعايۋىنا قاراي دامۋىن جالعاستىرسا, سول ەلدىڭ بولاشاعى زور بولماق.
قازىرگى كەزەڭ قازاقستان ءۇشىن 30 جىل بۇرىنعى ازاتتىق العان ساتتەن كەم تۇسپەيدى. قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ قازاقستاننىڭ ەكونوميكالىق جانە ساياسي جولىن, سول ارقىلى حالقىنىڭ ونداعان جىلدارداعى ءومىرىن ايقىندايتىن جالپىادامزاتتىق قۇندىلىقتارعا ماڭىز بەرىپ وتىر. پرەزيدەنت جاريالاعان رەفورمالار تاريحي ماڭىزعا يە, ويتكەنى ولار مەملەكەتتىك باسقارۋ ءۇشىن, جالپى قوعام ءۇشىن جاڭا مورالدىق-ەتيكالىق قاعيدالاردى ايقىندايدى.
پرەزيدەنت بيلىگىن ورتالىقسىزداندىرۋ, پارلامەنتتى كۇشەيتۋ, پارتيا سايلاۋلارىندا ەركىندىككە كەپىلدىك بەرۋ, مۋنيتسيپالدىق جانە اتقارۋشى بيلىكتىڭ اۋىسۋى, بارلىق ادام ءۇشىن قۇقىقتىڭ ۇستەمدىگى – وسىنىڭ ءبارى قازاقستاندى بولاشاق الەمدىك ساياساتتىڭ قازىرگىدەن دە كۇشتى ويىنشىسىنا اينالدىرادى. العا قويعان باعدارلامالاردى ىسكە اسىرۋ ۇلكەن جۇمىستى تالاپ ەتەدى.
قازاقستان جاريالانعان رەفورمالار مەن دەموكراتيالىق شارالاردى ىسكە اسىرا وتىرىپ, الەمنىڭ كوپتەگەن ەلىنە ۇلگى بولىپ قانا قويماي, حالىقارالىق ارەنادا ماڭىزدى ەلگە اينالىپ كەلەدى.
العا قويىلعان بارلىق جوبا مەن جوسپار ورىندالىپ, بەلگىلەنگەن رەفورمالار جۇرگىزىلىپ, قازاقستان تاريحىنىڭ جاڭا تاراۋى اشىلاتىنىنا سەنىم بىلدىرەمىن.
شاگي گابور,
Globália Kft. باس ديرەكتورى (ماجارستان)