ءبىلىم جانە عىلىم مينيسترلىگى العاش رەت BILIM Hackathon 2022 IT بايقاۋىن وتكىزبەك. وعان ستۋدەنتتەر مەن باعدارلاماشىلار قاتىسا الادى. جەڭىمپازدار 1,5 ملن تەڭگە الادى. ەكىنشى ورىننىڭ يەگەرىنە 1 ملن تەڭگە, ءۇشىنشى ورىن ءۇشىن 500 مىڭ تەڭگە بەرىلەدى.
IT سايىس 26-27 ناۋرىزدا Astana IT University بازاسىندا وفلاين فورماتتا وتەدى. اتالعان بايقاۋ ءبىلىم مەن عىلىم سالاسىندا جاڭا IT جوبالاردى جاساۋعا باستاماشى بولۋ, سونداي-اق قازىرگى جانە بولاشاق IT-مامانداردى ىنتالاندىرۋ ماقساتىندا وتكىزىلەدى.
ءبىلىم جانە عىلىم ۆيتسە-ءمينيسترى ايبات ءىلياسوۆ: «ەلىمىزدە ءتۇرلى IT جوبالاردى ازىرلەيتىن دارىندى جاستار كوپ. ولاردى بايقاۋعا قاتىسۋعا شاقىرامىز. سايىسقا ۋنيۆەرسيتەت جانە كوللەدج ستۋدەنتتەرى, ەڭبەك ەتىپ جۇرگەن باعدارلاماشىلار دا قاتىسا الادى. ءار وقۋ ورنىنان ءبىر كومانداعا قاتىسۋعا رۇقسات ەتىلەدى. بايقاۋعا قاتىسۋ ءۇشىن وتىنىمدەردى monhackathon@gmail.com ەلەكتروندى پوشتاسىنا جىبەرۋگە بولادى. وتىنىمگە كوماندانىڭ اتاۋىن, قاتىسۋشىلاردىڭ اتى-ءجونىن جانە ۇيىمنىڭ اتاۋىن كورسەتۋ قاجەت», دەدى.
سايىسقا قاتىسۋشىلارعا ەركىن تاقىرىپتا دا, بەرىلگەن تاقىرىپ بويىنشا دا ءبىلىم بەرۋ سالاسىنداعى تسيفرلى شەشىمدەر بويىنشا جوبا دايىنداۋ سەكىلدى ءتۇرلى تاپسىرمالار بەرىلەدى. جۇلدەگەر ستۋدەنتتەر ماراپاتتاردان بولەك, جۇمىسقا ورنالاسۋ مۇمكىندىگىنە يە بولادى. قازىلار القاسىنىڭ قۇرامىنا بەلگىلى IT-كومپانيالاردىڭ وكىلدەرى كىرەدى.