ءبىلىم جانە عىلىم مينيسترلىگى ستۋدەنتتەر مەن باعدارلاماشىلار اراسىندا «BILIM Hackathon 2022» العاش رەت IT بايقاۋىن وتكىزەدى, دەپ حابارلايدى Egemen.kz اتالمىش ءبىلىم جانە عىلىم مينيسترلىگىنىڭ ءباسپاسوز قىزمەتىنە سىلتەمە جاساپ.
جەڭىمپازدار 1,5 ميلليون تەڭگە الادى. ەكىنشى ورىننىڭ جۇلدە قورى 1 000 000 تەڭگەنى, ءۇشىنشى ورىن ءۇشىن 500 000 تەڭگەنى قۇرايدى. جەڭىمپازدار, ياعني ستۋدەنتتەر ماراپاتتاردان بولەك, جۇمىسقا ورنالاسۋ مۇمكىندىگىنە يە بولادى.
IT سايىس 26-27 ناۋرىزدا Astana IT University بازاسىندا وفلاين فورماتتا وتەدى. بۇل بايقاۋ ءبىلىم مەن عىلىم سالاسىندا جاڭا IT جوبالاردى جاساۋعا باستاماشىلىق ەتۋ, سونداي-اق قازىرگى جانە بولاشاق IT مامانداردى ىنتالاندىرۋ ماقساتىندا وتكىزىلەدى.
«ەلىمىزدە ءتۇرلى IT جوبالاردى ازىرلەيتىن دارىندى جاستار كوپ. ولاردى بايقاۋعا قاتىسۋعا شاقىرامىز. سايىسقا ۋنيۆەرسيتەت جانە كوللەدج ستۋدەنتتەرى, ودان بولەك, باسقا دا باعدارلاماشىلار قاتىسا الادى. ءار وقۋ ورنىنان ءبىر كومانداعا قاتىسۋعا رۇقسات ەتىلەدى. حاكاتونعا قاتىسۋ ءۇشىن وتىنىمدەردى monhackathon@gmail.com ەلەكتروندى پوشتاسىنا جىبەرۋگە بولادى. وتىنىمگە كوماندانىڭ اتاۋىن, قاتىسۋشىلاردىڭ اتى-ءجونىن جانە ۇيىمنىڭ اتاۋىن كورسەتۋ قاجەت», دەپ اتاپ ءوتتى ءبىلىم جانە عىلىم ۆيتسە-ءمينيسترى ايبات ءىلياسوۆ.
سايىسقا قاتىسۋشىلارعا ءتۇرلى تاپسىرمالار بەرىلەدى. مىسالى, ەركىن تاقىرىپتا دا, بەرىلگەن تاقىرىپ بويىنشا دا ءبىلىم بەرۋ سالاسىنداعى تسيفرلىق شەشىمدەر بويىنشا جوبا دايىنداۋ.