بيىل – قازاقستاننىڭ مەملەكەتتىك رامىزدەرىنىڭ بەكىتىلگەنىنە 30 جىل. ال بۇگىن قر مەملەكەتتىك ەلتاڭباسىنىڭ اۆتورى, قوعام قايراتكەرى, بەلگىلى ساۋلەتشى جانداربەك مالىبەك ۇلى 80 جاسقا تولىپ وتىر, دەپ حابارلايدى Egemen.kz پرەزيدەنتتىڭ ءباسپاسوز حاتشىسى بەرىك ءۋالي تاراتقان اقپاراتقا سىلتەمە جاساپ.
«پرەزيدەنت قاسىم-جومارت توقاەۆ جانداربەك مالىبەك ۇلىنىڭ مەرەيتويىمەن قۇتتىقتاپ, جىلى لەبىزى مەن ىزگى تىلەگىن جەتكىزدى. مەملەكەت باسشىسى ءوز قۇتتىقتاۋىندا ەلتاڭبا اۆتورىنىڭ تاۋەلسىز قازاقستان مەن ەلوردانى قۇرۋ جانە دامىتۋ ىسىندەگى سىڭىرگەن ەڭبەگىن اتاپ ءوتىپ, وعان زور دەنساۋلىق, شىعارماشىلىق شابىت جانە وتباسىنا باق-بەرەكە تىلەدى», دەپ جازىلعان حابارلامادا.
ايتا كەتسەك, ناۋرىز مەيرامى قارساڭىندا قاسىم-جومارت توقاەۆ جانداربەك مالىبەك ۇلىن I دارەجەلى «بارىس» وردەنىمەن ماراپاتتاعان.