پەتروپاۆلداعى جىلۋ-ەلەكتر ورتالىعىنداعى اپات بويىنشا قىلمىستىق ءىس قوزعالدى. ونداعى جۇمىسشىلاردىڭ ءبىرى ءالى تابىلار ەمەس, دەپ حابارلايدى Egemen.kz قازاقپاراتقا سىلتەمە جاساپ.
وبلىستىق پروكۋراتۋرانىڭ ءباسپاسوز قىزمەتى تاراتقان مالىمەتتەرگە زەر سالساق, جەو-داعى ءتۇتىن مۇرجاسىنىڭ جارتىلاي قۇلاۋىنا بايلانىستى وبلىس اكىمى جەدەل شتاب قۇرعان. وندا قالا تۇرعىندارىن جىلۋمەن قامتۋعا قاتىستى بارلىق جۇمىستار اتقارىلۋدا. قازىرگى ساتتە ءبىر جۇمىسشى – ماشينيست-قاراۋشى تابىلار ەمەس. وبلىس پروكۋرورىنىڭ نۇسقاۋىمەن ارنايى قۇرىلعان جەدەل-تەرگەۋ توبى دا ىسكە كىرىسكەن. وقيعا بويىنشا قىلمىستىق ءىس قوزعالعان.