قر اۋىل شارۋاشىلىعى ءمينيسترى ەربول قاراشوكەەۆ سۋبسيديالاۋدىڭ بىرىڭعاي مەملەكەتتىك اقپاراتتىق جۇيەسىن ەنگىزۋ مەرزىمىن اتادى, دەپ حابارلايدى Egemen.kz.
«جەرگىلىكتى اتقارۋشى ورگاندار سۋبسيديالاۋ نورماتيۆتەرىن بەكىتۋ جۇمىستارىن جانداندىرىپ, سۋبسيديالاۋعا بولىنەتىن قاراجاتتىڭ تولىق يگەرىلۋىن قامتاماسىز ەتۋى قاجەت», دەدى ەربول قاراشوكەەۆ ۇكىمەت وتىرىسىندا.
«مينيسترلىك ءوز تاراپىنان فەرمەرلىك قوعامداستىقپەن بىرلەسىپ اگروونەركاسىپتىك كەشەندى مەملەكەتتىك قولداۋدىڭ تاسىلدەرىن قايتا قاراۋ جونىندەگى جۇمىستى جالعاستىرادى, سونداي-اق قازىرگى ۋاقىتتا اقمولا وبلىسىنىڭ بازاسىندا تەستىلەنىپ جاتقان سۋبسيديالاۋدىڭ جاڭا بىرىڭعاي مەملەكەتتىك اقپاراتتىق جۇيەسىن قولدانىسقا ەنگىزۋ جونىندەگى جۇمىستى جەدەلدەتەتىن بولادى. ونى ەكىنشى جارتىجىلدىقتان باستاپ قولدانىسقا ەنگىزۋدى جوسپارلاپ وتىرمىز», دەدى مينيستر.
بۇعان دەيىن مينيستر فەرمەرلەرگە جەڭىلدەتىلگەن نەسيە بەرۋ تۋرالى ايتقان بولاتىن.
«كوكتەمگى ەگىس جۇمىستارىن جۇرگىزۋ ءۇشىن اۋىل شارۋاشىلىعى وندىرۋشىلەرى «كەڭ دالا» باعدارلاماسى ارقىلى 70 ملرد تەڭگە كولەمىندە جەڭىلدەتىلگەن نەسيە بەرۋمەن جانە ازىق-ت ۇلىك كورپوراتسياسىن 80 ملرد تەڭگە كولەمىندە فورۆاردتىق ساتىپ الۋمەن قامتاماسىز ەتىلدى. بۇل رەتتە فورۆاردتىق ساتىپ الۋ بيىل 2 ەسەگە ارتتى», دەدى اۋىل شارۋاشىلىعى مينيسترلىگىنىڭ وكىلى.