پرەزيدەنت پارتيالاردى پارمەندى جانە ىقپالدى ينستيتۋت رەتىندە قالىپتاستىرۋدى كوزدەپ وتىر. بۇل تۋرالى بۇگىن ەلىمىزدىڭ قوعام وكىلدەرىمەن كەزدەسكەن سەنات توراعاسى ماۋلەن اشىمباەۆ ايتتى, دەپ حابارلايدى Egemen.kz.
«پارتيالىق جۇيەگە قاتىستى دا زاڭنامالىق وزگەرىستەر قابىلدانادى. وسى ورايدا پرەزيدەنتىمىز پارتيالاردى پارمەندى جانە ىقپالدى ينستيتۋت رەتىندە قالىپتاستىرۋدى كوزدەپ وتىر. ساياسي پارتيالاردى تىركەۋ ءراسىمى ەداۋىر جەڭىلدەيدى. سونىمەن قاتار, مەملەكەت باسشىسى ءوزىنىڭ وكىلەتتىلىگىن اتقارۋ كەزەڭىندە ەشقانداي پارتياعا مۇشە بولماۋ كەرەكتىگى ايتىلدى», دەدى سەنات توراعاسى.
ماۋلەن اشىمباەۆ مۇنىڭ بارلىعى تۇپتەپ كەلگەندە شىنايى ساياسي باسەكەگە جول اشاتىندىعىنا باسا نازار اۋدارتتى.
«ال كەز كەلگەن سالاداعى باسەكە دامۋدىڭ باستى شارتى جانە ونىڭ مۋلتيپليكاتيۆتى اسەرى زور بولاتىنى ءسوزسىز», دەدى سەنات سپيكەرى.