پرەزيدەنت جولداۋىندا ەلىمىزدىڭ اكىمشىلىك-اۋماقتىق قۇرىلىمىنا ءجىتى توقتالدى. قۋاتتى وڭىرلەردى دامىتۋ مەملكەكەتتىڭ باستى ۇستانىمى ەكەنىن ايتتى, دەپ حابارلايدى Egemen.kz.
«سايلاۋ جۇيەسىنە پارلامەنتتى جاساقتاۋ تارتىبىنە وزگەرىس ەنگىزگەن كەزدە ەلدىڭ اكىمشىلىك-اۋماقتىق قۇرىلىمىن ەسكەرۋ كەرەك. تاۋەلسىزدىكتىڭ العاشقى جىلدارىندا بىرنەشە وبلىس بىرىكتىرىلدى. ونىڭ سول كەزدەگى ساياسي جانە ەكونوميكالىق احۋالدان تۋىنداعان وزىندىك سەبەپتەرى بولدى. قازىر قازاقستان دامۋدىڭ كەلەسى كەزەڭىنە قادام باستى. الەۋمەتتىك ەكونوميكالىق جانە دەموگرافيالىق احۋال مۇلدە باسقا. بۇگىنگى سىن قاتەرلەر دە مىندەتتەر دە بولەك. مەملەكەتىمىزدىڭ وركەندەۋى ايماقتاردىڭ قۋاتتى بولۋىنا تىكەلەي بايلانىستى.
مەن بۇل ماسەلەگە 2019-جىلى جولداۋىمدا كەڭىرەك توقتالدىم. قۋاتتى وڭىرلەر – قۋاتتى ەل دەگەن ۇستانىم ءاردايىم وزەكتى. وسى ورايدا ەلىمىزدەگى اكىمشىلىك-اۋماقتىق قۇرىلىمنىڭ وڭتايلى بولۋى وتە ماڭىزدى», دەلىنگەن جولداۋدا.