ۋكراينادان جاپونياعا باس ساۋعالاپ قاشقان بوسقىندارعا بۇل ەلدە جۇمىس ىستەۋگە رۇقسات بەرىلەدى, دەپ حابارلايدى Egemen.kz ادىلەت ءمينيسترى يوشيحيسا فۋرۋكاۆانىڭ مالىمدەمەسىنە سىلتەمە جاساپ.
فۋرۋكاۆانىڭ ايتۋىنشا, ولارعا بەرىلەتىن ۆيزانىڭ مەرزىمى ءۇش ايدان ءبىر جىلعا دەيىن ۇزارتىلدى.
بۇعان دەيىن جاپونيا بيلىگى ۋكراينالىق بوسقىنداردى قابىلداي باستايتىنىن مالىمدەدى. «جاپونيادا تۇراتىن ۋكراينالىقتاردىڭ تۋىستارىن ەلىمىزگە كوشىرۋ تۋرالى شەشىم قابىلداندى, بىراق ءبىز مۇنىمەن شەكتەلمەيمىز, وسى ماسەلەنىڭ گۋمانيتارلىق جاعىن نەگىزگە الا وتىرىپ شارا قابىلدايمىز», – دەدى ەلدىڭ پرەمەر-ءمينيسترى فۋميو كيسيدا.
14 ناۋرىزدا پولشانىڭ ىشكى ىستەر جانە اكىمشىلىك ءمينيسترىنىڭ ورىنباسارى پاۆەل شافەرناكەر گەرمانيا بيلىگى پولشادان ۋكراينالىق بوسقىندار تولى پويىزداردى جىبەرۋدى توقتاتا تۇرۋدى سۇرادى.