9-14 ناۋرىز ارالىعىندا بارلىق اۆتوكولىك تۇرلەرى ءۇشىن رەسپۋبليكالىق ماڭىزى بار اۆتوموبيل جولدارىندا جۇرۋگە شامامەن 45 رەت شەكتەۋ ەنگىزىلدى, دەپ حابارلايدى Egemen.kz «قازاۆتوجول» ۇك اق ءباسپاسوز قىزمەتىنە سىلتەمە جاساپ.
كۇن سايىن اۋا-رايىنىڭ قولايسىزدىعىنا 600-دەن استام ارنايى تەحنيكا مەن 1 مىڭعا جۋىق جول جۇمىسشىلارى جۇمىلدىرىلىپ, رەسپۋبليكالىق ماڭىزى بار 5 مىڭ شاقىرىمنان استام جول تازارتىلدى.
ەسكە سالا كەتسەك, رەسپۋبليكالىق ماڭىزى بار جولداردىڭ جالپى ۇزىندىعى 25 مىڭ كم قۇرايدى, سونىمەن قاتار, قولايسىز اۋا رايىندا «قازاۆتوجول» ۇك اق بىرىڭعاي تاۋلىك بويى call-ورتالىعى 1403 قىسقا ءنومىرى بويىنشا 2 مىڭنان استام قوڭىراۋعا جاۋاپ بەردى.
قازىرگى ۋاقىتتا رەسپۋبليكالىق ماڭىزى بار بارلىق جولدار اشىق.