قازاقستاندىق ميحايل كۋكۋشكين ينديان-ۋەللس ماستەرس تۋرنيرىنە جولداما الدى, دەپ حابارلايدى Egemen.kz قتف ءباسپاسوز قىزمەتىنە سىلتەمە جاساپ.
دۇنيەجۇزىلىك رەيتينگتە 154-ورىندا تۇرعان ميحايل ىرىكتەۋ سايىستارىنىڭ فينالىندا الەمنىڭ 93-راكەتكاسى, جاپونيالىق ەسيحيتو نيسيوكامەن شەبەرلىك بايقاستى. قازاقستاندىق تەننيسشى قارسىلاسىن 6:2, 7:6 (7:4) ەسەبىمەن ۇتتى. ەكى ساعاتتان استام ۋاقىتقا سوزىلعان باسەكە بارىسىندا 1 ەيس جاساپ, 18 برەيك-پوينتتىڭ تورتەۋىن پايدالاندى. قارسىلاسى 1 ەيس, 2 برەيكپەن (9 برەيك-پوينت) شەكتەلدى. كۋكۋشكيننىڭ نەگىزگى ءتۋرنيردىڭ ءبىرىنشى اينالىمداعى قارسىلاسى - امەريكاللىق توممي پول.
جۇلدە قورى 8,5 ملن اقش دوللارىنان اساتىن ءىرى جارىستا قازاقستاننىڭ ءبىرىنشى, الەمنىڭ 33-راكەتكاسى الەكساندر بۋبليك تە ونەر كورسەتەدى. ول ءبىرىنشى اينالىمدا بريتاندىق ەندي ماررەي مەن جاپوندىق تارو دانيەل اراسىنداعى ويىننىڭ جەڭىمپازىمەن كەزەدەسەدى.