ماگەررام ماگەرراموۆ پەن گاۋحار نۇعمانوۆا سەرگەي رەشەتنيكوۆ پەن فايزوللا كامەنوۆتىڭ ورنىنا قازاقستاننىڭ حالىق پارتياسىنان قر پارلامەنتى ءماجىلىسىنىڭ دەپۋتاتتارى بولىپ تاعايىندالادى, دەپ حابارلايدى Egemen.kz.
«قازاقستان رەسپۋبليكاسى پارلامەنتى ءماجىلىسىنىڭ VII شاقىرىلىمىندا «قازاقستان حالىق پارتياسى» فراكتسياسىنىڭ دەپۋتاتتارى كامەنوۆ فايزوللا كامەنوۆيچ پەن رەشەتنيكوۆ سەرگەي نيكولاەۆيچ وكىلەتتىكتەرىنىڭ مەرزىمىنەن بۇرىن توقتاتىلۋىنا بايلانىستى 2022 جىلعى 10 ناۋرىزدا قازاقستان رەسپۋبليكاسى ورتالىق سايلاۋ كوميسسياسىنا پارتيالىق تىزىمگە ەنگىزىلگەن قازاقستان حالىق پارتياسىنان كانديداتتار رەتىندە نۋگمانوۆا گاۋحار كوكەنقىزى مەن ماگەرراموۆ ماگەررام مامەدوۆيچكە دەپۋتاتتاردىڭ بوس مانداتتارىن بەرۋ ءۇشىن قۇجاتتار دايىندالدى», دەلىنگەن حابارلامادا.
ءماجىلىس 9 ناۋرىزدا سەرگەي رەشەتنيكوۆ پەن فايزوللا كامەنوۆتىڭ, سونداي-اق وسك-نىڭ مۇشەسى ەرلان داۋىلباەۆتىڭ وكىلەتتىگىن مەرزىمىنەن بۇرىن توقتاتتى.