بۇگىن, 30 ناۋرىز كۇنى پاريجدە رەسەي سىرتقى ىستەر ءمينيسترى سەرگەي لاۆروۆ پەن اقش مەملەكەتتىك حاتشىسى دجون كەرري كەزدەسەدى. بۇل تۋرالى رف سىرتقى ىستەر مينيسترلىگىنىڭ دەرەگىنە سۇيەنگەن يتار-تاسس حابارلادى.
«كەزدەسۋ رەسەي مەن اقش پرەزيدەنتتەرىنىڭ كەلىسىمدەرىن دامىتۋ باعىتىندا» جۇرگىزىلەدى», - دەلىنگەن حابارلامادا.
كەشە تەلەفون ارقىلى سويلەسكەن سوزدەرىندە رەسەي پرەزيدەنتى ۆلاديمير پۋتين اقش پرەزيدەنتى باراك وباماعا ۋكرايناداعى جاعدايدى تۇراقتاندىرۋعا ىقپال ەتۋدىڭ حالىقارالىق قاۋىمداستىعىنىڭ مۇمكىن بولاتىن قادامدارى تۋرالى ايتقان ەدى.
كرەمل ءباسپاسوز ورتالىعى حابارلاعانداي, رەسەي ليدەرى ۆاشينگتون اكىمشىلىگى باسشىسىنىڭ نازارىن ەكسترەميستەردىڭ ۋكراينانىڭ ءارتۇرلى ايماقتارى مەن كيەۆتە جالعاسىپ جاتقان جۇگەنسىزدىكتەرىنە, بيلىك قۇرىلىمدارىنىڭ, ءتارتىپ ساقتاۋ ورگاندارىنىڭ جەرگىلىكتى تۇرعىنداردى قورقىتىپ-ۇركىتۋگە باعىتتالعان توقتاۋسىز اكتىلەرىنە اۋداردى.
ەكى ەلدىڭ كوشباسشىلارى جاقىن ارادا رەسەي مەن اقش-تىڭ سىرتقى ساياسات ۆەدومستۆوسىنىڭ باسشىلارى بۇل باعىتتاعى بىرلەسكەن جۇمىستىڭ ناقتى ىستەرىن بىرلەسىپ تالقىلايدى دەپ شەشتى. سەنبى كۇنى وسىدان كەيىن لاۆروۆ پەن كەرري اراسىندا دا وسىعان ۇقساس اڭگىمە ءجۇردى. ولار نەگىزگى اڭگىمەنى پاريجدە جالعاستىراتىن بولىپ كەلىستى.
ساكەن مايلىباي.
دەرەككوز: يتار-تاسس.
فوتو: AP Photo/Jacquelyn Martin, Pool.