«قازاقستان حالقىنا» قوعامدىق قورى قاڭتار وقيعاسى كەزىندە قازا تاپقان ءىىم, ۇلتتىق قاۋىپسىزدىك كوميتەتى قىزمەتشىلەرى جانە قورعانىس مينيسترلىگى مەن رەسپۋبليكالىق ۇلاننىڭ اسكەري قىزمەتشىلەرىنە جانە اۋىر جاراقات العان 106 قىزمەتكەردىڭ وتباسى مۇشەلەرىنە كومەك رەتىندە ماتەريالدىق تولەمدەردى باستادى, دەپ حابارلايدى Egemen.kz قور سايتىنا سىلتەمە جاساپ.
تولەمدەر مەملەكەتتىك ورگانداردان الىنعان رەسمي تىزىمدەر نەگىزىندە جۇزەگە اسىرىلادى. بۇل ساناتتاعى جابىرلەنۋشىلەرگە ارنالعان تولەمنىڭ جالپى سوماسى - 451 ميلليون تەڭگە.
ەسكە سالايىق, بۇعان دەيىن قامقورشىلىق كەڭەس قور باسقارماسىنا قازا تاپقان جانە اۋىر جارالانعان اسكەري قىزمەتكەرلەردىڭ وتباسىلارىنا, ىشكى ىستەر جانە ۇلتتىق قاۋىپسىزدىك ورگاندارى قىزمەتكەرلەرىنە بەلگىلەنگەن سومالاردى تولەۋدى تاپسىرعان بولاتىن. سونداي-اق, كەڭەسكە ادام قۇقىقتارى جانە بالا قۇقىقتارى جونىندەگى ۋاكىلدەردىڭ قورعا ۇسىنعان تىزىمدەرىنەن كەزدەيسوق زارداپ شەككەن ازاماتتاردىڭ ءولىمىنىڭ ءمان-جايىن قۇزىرلى ورگاندارمەن بىرلەسىپ پىسىقتاۋ تاپسىرىلدى.قور ۋاكىلەتتى مەملەكەتتىك ورگانداردان ءتيىستى رەسمي مالىمەتتەر العاننان كەيىن وسى ساناتتاعى قازا بولعانداردىڭ تۋىستارىنا تولەمدەردى جۇرگىزۋدى باستايدى.