حالىق قاڭتاردىڭ قاسىرەتىن ۇمىتا قويعان جوق. پارتيا قۇرىلتايىندا كوتەرىلگەن كوپتەگەن ماسەلە مەن قاڭتار وقيعاسىنا تۇرتكى بولعان الەۋمەتتىك شيەلەنىستىڭ تامىرى ىشكى ساياساتتاعى ءارى قوعام مەن بيلىك اراسىنداعى قارىم-قاتىناستاعى داعدارىستا جاتقانى انىق.
پارتيانىڭ كەزەكتەن تىس سەزىنىڭ باستى جاڭالىعى ۇيىم اتاۋىنىڭ Amanat دەپ وزگەرتىلۋى بولدى. كوپشىلىك مۇنى جىلى قابىلدادى.
پرەزيدەنت ساياسي رەفورمالاردى جاريالاۋدى 16 ناۋرىزعا جوسپارلاپ, پارتيانىڭ ىشكى قۇرىلىمدارىنا جاڭا ساياسي مودەلگە وتۋگە ەكى اپتا ۋاقىت بەرگەنى بەلگىلى. قالىپتى ساياسي جۇيەنى جاڭارتۋ ءبىر كۇندىك ياكي ءبىر ايلىق ماسەلە ەمەس, بىرىزدىلىكپەن تاباندى تۇردە جۇزەگە اسىرۋدى تالاپ ەتەدى.
سونىمەن قوسا پارتيانىڭ جاڭا اتاۋى اmanat قوعامدا پىكىرتالاس تۋدىرعانى راس. دەگەنمەن ماقسات پارتيانىڭ اتاۋىن عانا وزگەرتۋ ەمەس, قۇرىلىمىن, جۇمىس ءستيلىن, حالىقپەن بايلانىسىن قايتا قاراۋ جاڭعىرتۋ اسا ماڭىزدى.
بۇل قادامدى الداعى ساياسي وزگەرىستەردىڭ العاشقى جارشىسى رەتىندە قابىلداعان ابزال. سول سەبەپتى بۇل سەزدى تولىققاندى ساياسي وقيعا دەپ باعالاۋعا ءالى ەرتە بولار. جاقىندا پرەزيدەنتتىڭ ساياسي رەفورمالار جونىندەگى جوسپارى جاريالانادى. سول كەزدە ەلىمىزدىڭ ساياسي ارەناسىنداعى سوڭعى وزگەرىستەردىڭ لوگيكالىق تىزبەسىن قاراپ, بەلگىلى ءبىر پىكىر قالىپتاستىرۋعا بولادى. دەسە دە جاستار بۇل شەشىمدەردىڭ ەلىمىزدە ۇلكەن ساياسي وزگەرىستەرگە جول اشقانىن كورگىسى كەلەدى.
ءۋاليحان باحرەتدينوۆ,
«ۇلان-عايىر دالا ەلى» قوعامدىق بىرلەستىگىنىڭ جەتەكشىسى