بۇگىن ساياسي كەڭەس بيۋروسىنىڭ قاۋلىسىمەن AMANAT پارتياسىنان پارلامەنت ءماجىلىسى دەپۋتاتىنىڭ بوس مانداتىن پارتيالىق ءتىزىم بويىنشا امانجول التايعا بەرۋ تۋرالى شەشىم قابىلداندى, دەپ حابارلايدى Egemen.kz.
ءتيىستى شەشىم ورتالىق سايلاۋ كوميسسياسىنا جىبەرىلدى.
«امانجول ءالتايدى كوپتەن بەرى تانيمىن. تەك ەلگە تانىمال ايتىسكەر اقىن عانا ەمەس, حالىق مۇددەسى ءۇشىن اركەز ساليقالى ءسوز ءتۇزىپ جۇرگەن ازامات رەتىندە دە جاقسى بىلەمىن. ارقاشان ەلدىڭ جانىنان تابىلىپ, قيىن كەزدە دە پارتيامەن بىرگە بولا بىلگەن, ءىزىن باسىپ كەلە جاتقان جاستارعا ىسىمەن دە, سوزىمەن دە ۇلگى بولىپ جۇرگەن تۇلعا», دەپ جازدى AMANAT پارتياسىنىڭ اتقارۋشى حاتشىسى اسحات ورالوۆ الەۋمەتتىك جەلىدە.