ورتا سالماقتاعى IBF جانە IBO چەمپيوندىق بەلبەۋىنىڭ يەگەرى قازاقستاندىق گەننادي گولوۆكين (41-1-1, 36 كو) مەن ەكىنشى ورتا سالماقتاعى الەمنىڭ ءابسوليۋتتى چەمپيونى مەكسيكالىق ساۋل «كانەلو» الۆارەس (57-1-2, 39 كو) اراسىنداعى ءۇشىنشى جەكپە-جەك كۇزدە وتەدى.
امەريكالىق USA Today Sports+ باسىلىمىنىڭ مالىمەتىنشە, تريلوگيا 17 قىركۇيەككە جوسپارلانعان. ال جەكپە-جەك ەكىنشى ورتا سالماق دارەجەسىندە (168 فۋنت) وتەدى. بۇل كەزدەسۋدە الۆارەستىڭ ءتورت بەلبەۋى ساراپقا سالىنادى. تريلوگيا بوكسشىلاردىڭ بۇعان دەيىنگى ەكى ايقاسى وتكەن اقش-تىڭ لاس-ۆەگاس قالاسىندا ۇيىمداستىرىلادى دەپ جوسپارلانۋدا. ءبىر ايتا كەتەرلىگى, ەكى بوكسشى اراسىنداعى العاشقى ايقاس 2017 جىلدىڭ 16 قىركۇيەگىندە, ەكىنشىسى 2018 جىلدىڭ 15 قىركۇيەگىندە وتكەن ەدى.
بۇل جەكپە-جەككە دەيىن گولوۆكين دە, «كانەلو» دا ءساۋىر-مامىر ايلارىندا ءبىر-ءبىر كەزدەسۋدەن وتكىزەدى. وتانداسىمىز ساۋىردە جاپونيالىق ريوتا مۋراتامەن, ساۋل الۆارەس 7 مامىردا رەسەيلىك دميتري بيۆولمەن جۇدىرىقتاسادى.