الماتىدا ورنالاسقان پرەزيدەنت رەزيدەنتسياسىنىڭ ورنىنا ساياباق سالىنادى. بۇل تۋرالى مەملەكەت باسشىسىنىڭ ءباسپاسوز حاتشىسى بەرىك ءۋالي Facebook پاراقشاسىندا جازدى, دەپ حابارلايدى Egemen.kz.
«مەملەكەت باسشىسى قاسىم-جومارت توقاەۆتىڭ شەشىمىمەن قاڭتار وقيعاسى كەزىندە بۇزاقىلار مەن لاڭكەستەر ورتەپ, قيراتقان الماتى قالاسىنداعى پرەزيدەنتتىڭ قىزمەتتىك رەزيدەنتسياسى سۇرىلەتىن بولدى. ونىڭ ورنىنا قالا تۇرعىندارى ءۇشىن ساياباق سالىنادى», دەلىنگەن حابارلامادا.