قر پرەزيدەنتى اكىمشىلىگىنىڭ كەلىسىمى بويىنشا قىزىلوردا وبلىسى اكىمىنىڭ وكىمىمەن قايرات ىرزاقۇل ۇلى نۇرتاي وبلىس اكىمىنىڭ ورىنباسارى لاۋازىمىنا تاعايىندالدى, دەپ حابارلايدى Egemen.kz.
قايرات ىرزاقۇل ۇلى 1982 جىلى قىزىلوردا وبلىسىندا دۇنيەگە كەلگەن.
ق.ساتپاەۆ اتىنداعى قازاق ۇلتتىق تەحنيكالىق ۋنيۆەرسيتەتىن «ينجەنەر-مەحانيك», د. قوناەۆ اتىنداعى ۋنيۆەرسيتەتىن «زاڭگەر» ماماندىقتارى بويىنشا بىتىرگەن.
رەسەي حالىق شارۋاشىلىعى جانە مەملەكەتتىك قىزمەت اكادەمياسىمەن مەملەكەتتىك جانە مۋنيتسيپالدىق باسقارۋ ماگيسترى اكادەميالىق دارەجەسى بەرىلگەن.
ەڭبەك جولىن 2004 جىلى قر مەملەكەتتىك قىزمەت ىستەرى اگەنتتىگىندە مەملەكەتتىك قىزمەتتى كادرلىق قامتاماسىز ەتۋ دەپارتامەنتىنىڭ جەتەكشى مامانى رەتىندە باستاعان.
2005 جىلدان بەرى قر ەنەرگەتيكا جانە مينەرالدى رەسۋرستار مينيسترلىگى مۇناي ونەركاسىبى دەپارتامەنتىنىڭ جەتەكشى مامانى, قر پرەزيدەنتى كەڭسەسىنىڭ اعا, باس ساراپشىسى, كونسۋلتانتى, سەكتور مەڭگەرۋشىسى, قر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى بولعان.
2015-2019 جىلدارى شىمكەنت قالاسى اكىمىنىڭ ورىنباسارى, شىمكەنت قالاسى اكىمىنىڭ ءبىرىنشى ورىنباسارى قىزمەتتەرىن اتقارعان.
2021 جىلعى شىلدە ايىنان باستاپ وسى كەزگە دەيىن قارماقشى اۋدانىنىڭ اكىمى بولدى.